Юзаф Валовіч (староста лінгоўскі)

Юзаф Валовіч (? — 1779) — дзяржаўны дзеяч.

Юзаф Валовіч
суддзя гродскі гарадзенскі[d] 1756 — 1764
староста лінгоўскі[d] 1751 — 1764
цівун гандынскі[d] 1760 — 1765
падстароста гарадзенскі[d] 1764 — 1765
падкаморы гарадзенскі[d] 1765 — 1772
маршалак земскі гарадзенскі[d] 1772 — 1779
Смерць	1779
Род	Валовічы
Бацька	Юрый Валовіч[d]
Жонка	Магдалена з Міхневічаў[d] і Юстына з Юндзілаў[d]
Дзеці	Антоній Валовіч, Бенедыкт Валовіч, Міхал Валовіч і Казіміра з Валовічаў[d]

Біяграфія

Паходзіў са шляхецкага роду Валовічаў герба «Багорыя». Нарадзіўся ў сям’і Юрыя Валовіча.

Гарадзенскі гродскі суддзя ў 1756—1764 гг., цівун гандынскі ў 1760—1765 гг., у 1751—1764 гг. згадваецца старостам лінгоўскім, падстароста гарадзенскі ў 1764—1765 гг., падкаморы гарадзенскі ў 1765—1772 гг., гарадзенскі маршалак у 1772—1779 гг.

у 1765 г. «па гнядым кані з усёй амуніцыяй як на вайну» ставіўся на попіс гарадзенскай павятовай харугвы з Гожскай парафіі.

Памёр у 1779 годзе.

Сям’я

У першым шлюбе з Марыянай з Міхневічаў.

З 1764 года ў другім шлюбе з Юстынай з Юндзілаў, якая ў першым шлюбе была з Самуэлем Антоніем Скірмунтам, лоўчым гарадзенскім у 1730—1757 гг. i падстаростам судовым у 1748—1757 гг.

Меў сыноў:

• Бенедыкт Валовіч (? — ?), суддзя земскі жамойцкі і староста лінгоўскі.
• Антоній Валовіч (1750—1822), харунжы надворны літоўскі, войскі гарадзенскі, кашталян мерацкі.
• Міхал Валовіч (? — 1817), цівун бяржанскі і староста хвейданскі.

А таксама трох дачок:

• Казіміра, у першым шлюбе з Юзафам Калясантым Валовічам, пасля разводу з ім у шлюбе з Тамашам Валовічам.
• Бальбіна, замужам за N Яленскім, пісарам мазырскім. У 1759 г. запісалася ў кнігу Брацтва Св. Міхала Анёла Ахоўнмка пры езуіцкім касцёле у Горадні: «W. Jmsc P. Bałbina Wołowiczowna».
• N, замужам за Лукашам Валовічам.

Літаратура

• 2/1. Юзаф // Валовічы ў гісторыі Вялікага княства Літоўскага XV―XVIII стст. / Цэнтр генеалагічных даследаванняў, «Музей "Замкавы комплекс "Мір"» ; [складальнік А. М. Янушкевіч ; навуковы рэдактар А. І. Шаланда]. — Мн.: Медысонт, 2014. — 506 с. — 500 экз. — ISBN 978-985-7085-36-1.