Юрава-Завальная вуліца
Ю́рава-Зава́льная вуліца (руск.: Юрово-Завальная улица) — вуліца ў гістарычным цэнтры Мінска, у Ракаўскім прадмесці.
| Юрава-Завальная вуліца Мінск | |
|---|---|
_(06).jpg) | |
| Агульная інфармацыя | |
| Краіна | Беларусь |
| Горад | Мінск |
| Гістарычны раён | Ракаўскае прадмесце |
| Найбліжэйшыя станцыі метро |
 Фрунзенская, Юбілейная плошча |
 Медыяфайлы на Вікісховішчы | |
Гісторыя
правіць
Вуліца праходзіла ўздоўж гарадскога валу з боку горада[1], праз што атрымала назву. Пасля зрыцця вала і засыпання рова, да 1865 года стала ўнутранай вуліцай гарадской забудовы[2]. Злучала Ракаўскую-Юраўскую вуліцу з Раманаўскай слабадой[1].
Калі ў 1927 годзе на рагу з Ракаўскай быў адкрыты першы ў Мінску хлебазавод, вуліцу перайменавана на Хлебную. У 1970-я гады большую частку забудовы знеслі, а захаваныя будынкі прылічылі да суседняй вуліцы Астроўскага (былой Ракаўскай)[3]. Да 2010-х гадоў захавалася толькі палова былой вуліцы як безыменны пад’езд да хлебазавода на Ракаўскай[1].
_(11).jpg)
_(%D0%92%D0%B0%D0%BB_%D0%BD%D0%B0_%D0%BC%D0%B5%D1%81%D1%86%D1%8B_%D0%97%D0%B0%D0%B2%D0%B0%D0%BB%D1%8C%D0%BD%D0%B0%D0%B9).jpg)
У часе рэканструкцыі квартала было хлебазавода ў канцы 2010-х гадоў праезд працягнулі і злучылі з выездам на вуліцу Раманаўская Слабада. Трасіроўка праезда блізкая да трасіроўкі гістарычнай вуліцы, праўда, праходзіць па іншы бок ад дома па вуліцы Раманаўская Слабада, 14А. На гістарычным месцы вуліцы плануецца аднавіць частку гарадскога вала з бастыёнам[4]. Месца, дзе калісьці праходзіў гарадскі вал, пазначана на тратуары пліткай чорнага колеру.
16 кастрычніка 2015 года рашэннем Мінскага гарадскога Савета дэпутатаў праезду была вернутая гістарычная назва Юрава-Завальная[5].
Зноскі
- ↑ а б в Іван САЦУКЕВІЧ. Тапанімія вуліц і плошчаў Менска ў ХІХ — пачатку ХХ стагоддзяў Архівавана 29 ліпеня 2019.
- ↑ В ближайшие годы территория Раковского предместья кардинально преобразится Архівавана 22 верасня 2019.
- ↑ Привлекательное и неповторимое
- ↑ В Раковском предместье откроют музей хлеба, мармелада, спа-центр и кафе. 25 апреля 2016 Архівавана 22 верасня 2019.
- ↑ Две новые улицы в Минске названы в честь кинорежиссеров, третьей вернули историческое имя. 3 лістапада 2015 Архівавана 22 верасня 2019.
Спасылкі
правіць
На Вікісховішчы ёсць медыяфайлы па тэме Юрава-Завальная вуліца
