Юрый Іванавіч Івашчанка
Юрый Іванавіч Івашчанка (нар. 2 чэрвеня 1943, Новасібірск) — беларускі архітэктар.
| Юрый Іванавіч Івашчанка | |
|---|---|
| Дата нараджэння | 2 чэрвеня 1943 (80 гадоў) |
| Месца нараджэння | |
| Альма-матар |
|
| Месца працы | |
| Член у | |
| Прэміі |
 |
| Узнагароды |
 |
Біяграфія правіць
Скончыў Беларускі політэхнічны інстытут у 1968 годзе. Працаваў галоўным архітэктарам Светлагорска, з 1972 года — старшы архітэктар, галоўны архітэктар праектаў Белдзяржпраекта[1].
Член Саюза архітэктараў СССР з 1979 года. Пражывае ў Мінску[1].
Творчасць правіць
Асноўныя працы: вытворчы будынак Аўтарампрампраекта па вул. Чарнышэўскага (1978), жылы дом па вул. Сурганава (1979) у Мінску, 12-павярховыя буйнапанэльныя жылыя дамы па вул. Маскоўскай у Брэсце (1982, з У. П. Пушкіным)[1], жылыя дамы па вуліцах Я. Коласа, Макаёнка, Бурдзейнага, Філімонава ў Мінску[2]. Удзельнічаў у стварэнні Рэспубліканскага каталога індустрыяльных вырабаў, яго базіснай наменклатуры, у распрацоўцы асобных серый буйнапанэльных жылых дамоў; серый 152 5-, 9-павярховых жылых дамоў і блок-секцый для Гомеля (1975—1979, бронзавы медаль ВДНГ СССР, 1985), 90 буйнапанэльных жылых дамоў і блок-секцый для Брэста, Гродна і іншых гарадоў БССР (1975—1980, бронзавы медаль ВДНГ СССР, 1983), у развіцці і ўдасканаленні базавай серыі 90 для малых, сярэдніх, буйных гарадоў БССР (1982—1989, бронзавы медаль ВДНГ СССР, 1986)[1].
Узнагароды правіць
Узнагароджаны дыпломам I ступені на рэспубліканскім аглядзе-конкурсе за лепшы праект года (1986)[1]. Лаўрэат Дзяржаўнай прэміі Беларусі (2000)[2].
Зноскі
- ↑ а б в г д Иващенко Юрий Иванович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
- ↑ а б Картина дня: итоги проверки Вооруженных Сил, безвиз для космонавтов и температурный рекорд столетия
Літаратура правіць
- Иващенко Юрий Иванович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)