Януш Збаражскі

Януш Мікалаевіч Збаражскі (? — 1608) — ураднік, ваенны дзеяч.

Януш Збаражскі
ваявода брацлаўскі 1576 — 1608
староста пінскі[d]
староста крамянецкі[d]
пасол на Сойм Рэчы Паспалітай[d]
Нараджэнне	мерк. 1553
Смерць	1608
Род	Збаражскія
Бацька	Мікалай Збаражскі
Маці	Марыя з Казекаў[d]
Дзеці	Юрый Збаражскі і Крыштоф Збаражскі
Дзейнасць	дыпламат

Біяграфія

Паходзіў з княжацкага роду Збаражскіх герба «Карыбут». Нарадзіўся ў сям’і Мікалая Андрэевіча Збаражскага.

Ваявода брацлаўскі з 1576 года; стараста крэменецкі з 1574, пінскі ў 1581—1590 гадах. Пасол на сойм 1573 года. У час Інфлянцкай вайны 1558—1582 гадоў вызначыўся ў Чашніцкай бітве 1567 года, пры ўзяцці Полацка ў 1579 і Вялікіх Лук у 1580 годзе, аблозе Пскова ў 1581 годзе. Неаднаразова адбіваў напады крымскіх татараў на ўкраінскія землі (найбуйнейшыя — у 1576 і 1594). Удзельнічаў у заключэнні Ям-Запольскага перамір’я 1582 года.

Літаратура

• Пазднякоў В. Збаражскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 652. — 688 с. — ISBN 985-11-0314-4 (т. 1), ISBN 985-11-0315-2.