Ян Казімір Кірдзей

Ян Казімір Кірдзей (? — 8 красавіка 1685) — вялікалітоўскі дзяржаўны дзеяч. Кашталян троцкі (з 1684).

Ян Казімір Кірдзей
Герб «Бэлты»
Кашталян троцкі
1684 — 8 красавіка 1685
Папярэднік	Цыпрыян Павел Бжастоўскі
Пераемнік	Юзаф Багуслаў Слушка
Дзейнасць	ваенны
Смерць	8 красавіка 1685(1685-04-08)
Род	Кірдзеі
Бацька	Яўстах Кірдзей
Маці	Соф'я Храпавіцкая
Жонка	Дарота Ганна Грыбоўская
Дзеці	Фларыян Станіслаў, Уладзіслаў Антоні, Соф'я, Пудэнцыяна, Тэкля, Петранеля

Біяграфія

Паходзіў з роду Кірдзеяў герба «Бэлты», сын Яўстаха Кірдзея, жамойцкага кашталяна, і Соф'і Храпавіцкай.

Каралеўскі дваранін, гарадзенскі харунжы з 1649, маршалак з 1669, вялікі лоўчы літоўскі ў 1683—1684, кашталян троцкі з 1684; староста перавальскі i філіпаўскі.

У маладосці удзельнічаў у войнах з украінскімі казакамі і шведамі. У 1660 узначальваў гарадзенская паспалітае рушэнне пры абароне горада ад расійскіх войскаў.

Пасол на соймы 1648 (удзельнічаў у абранні на трон Яна II Казіміра), 1670 (яго маршалак), 1672, 1674 (удзельнічаў у абранні Яна III Сабескага), 1683; дэпутат Трыбунала Вялікага Княства Літоўскага ў 1677.

Крыніцы

• Пазднякоў В. Кірдзеі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 96. — 792 с. — ISBN 985-11-0378-0 (т. 2), ISBN 985-11-0315-2.