Яўген Міхайлавіч Перлін

Яўген Міхайлавіч Перлін (нар. 1990, Карма, Гомельская вобласць) — беларускі тэлевядоўца.

Яўген Міхайлавіч Перлін
Род дзейнасці	тэлевядучы, журналіст
Дата нараджэння	8 студзеня 1990(1990-01-08) (35 гадоў)
Месца нараджэння	Кармянскі раён, Гомельская вобласць, БССР, СССР або Карма, Кармянскі раён, Гомельская вобласць, БССР, СССР
Грамадзянства	Беларусь
Месца працы	Нацыянальная дзяржаўная тэлерадыёкампанія Рэспублікі Беларусь
Альма-матар	БДУ факультэт журналістыкі БДУ (2012)

Біяграфія

У 2012 годзе скончыў Інстытут журналістыкі БДУ па спецыяльнасці «журналістыка (друкаваныя СМІ)». З 2007 года сумяшчаў вучобу з працай на радыё і тэлебачанні. У Белтэлерадыёкампанію прыйшоў па запрашэнні дырэктара Агенцтва тэленавін у якасці вядучага праграмы «Навіны» і адразу заняў нішу вядучага ранішніх выпускаў. З 2009 па 2011 гг. рыхтаваў сюжэты для эканамічных праграм «Дзелавое жыццё», «Сфера інтарэсаў». Аўтар і вядучы праекта «Актуальнае інтэрв’ю» з кіраўнікамі топавых еўрапейскіх тэлевізійных аб’яднанняў.

У 2011 годзе вёў прамое ўключэнне з Солт-Лейк-Сіці (ЗША) для Нацыянальнай спартыўнай прэміі «Трыумф. Героям спорту». З 2011 года — афіцыйны вядучы (дыктар) на мерапрыемствах з удзелам прэм’ер-міністра Рэспублікі Беларусь. З 2012 года — пастаянны каментатар Міжнароднага конкурсу песні «Еўрабачанне». Неаднаразова вёў прамыя ўключэнні з краін — гаспадынь конкурсу. З 2012 года — вядучы праграмы «Мытны саюз»/«Без межаў» (тэлеканал «Беларусь 24»). З 2014 года — вядучы ранішняга шоу «Добрай раніцы, Беларусь!».

Вядучы праграм «Макаёнка, 9».

У час жорсткага здушэння пратэстаў супраць фальсіфікацыі прэзідэнцкіх выбараў, 12 жніўня 2020 года ў сваім Фэйсбуку змясціў допіс з пытаннем «Што стала з маёй Беларуссю?», у якім заявіў пра свой сыход з канала:

Праект, пра які мараць многія, — уласнае вячэрняе шоу, якое мы здымалі два сезоны. 70 выпускаў. Мы запрашалі крутых зорак і маладых беларусаў, давалі ім магчымасць спяваць ужывую, весяліліся ў інтэрактывах. І «Макаёнка, 9» я ствараў з нашай камандай толькі дзеля ЭМОЦЫІ нашага гледача. Цяпер ніводны з забаўляльных праектаў не выклікае тую эмоцыю, дзеля якой яны задумваліся. Я вырашыў, што мой сённяшні эфір на «Беларусь 1» быў апошнім. На гэта рашэнне ніхто не паўплываў, я прыняў яго сябе. Арыгінальны тэкст (руск.)   Проект, о котором мечтают многие, — собственное вечернее шоу, которое мы снимали два сезона. 70 выпусков. Мы приглашали крутых звезд и молодых белорусов, давали им возможность петь вживую, веселились в интерактивах. И «Макаёнка, 9» я создавал с нашей командой только ради ЭМОЦИИ нашего зрителя. Сейчас ни один из развлекательных проектов не вызывает ту эмоцию, ради которой они задумывались. Я решил, что мой сегодняшний эфир на «Беларусь 1″ был последним. На это решение никто не повлиял, я принял его сам.

Спасылкі

• Перлін Яўген Міхайлавіч(недаступная спасылка)