2-я армія (Германская імперыя)

Не блытаць з германскай арміяй у Другой сусветнай вайне.

2-я а́рмія (ням.: 2. Armee / Armeeoberkommando 2 / A.O.K. 2) — воінскае аб’яднанне армейскага узроўню імперскай Германскай арміі падчас Першай сусветнай вайны.

2. Armee 2 Армія
ням.: 2. Armee
Сцяг штаба арміі (1871-1919)
Гады існавання	1914—1919
Краіна	Германская імперыя
Тып	Пяхота
Удзел у	Першая сусветная вайна

Гісторыя

Была сфармавана падчас мабілізацыі ў жніўні 1914 годзе на базе IIІ Армейскай Інспекцыі.

Удзельнічала ў баявых дзеяннях у складзе Заходняга фронта. Галоўнай задачай арміі, згодна с планам Шліфена, была падтрымка манёўра 1-ай арміі з мэтай абкружыць левы фланг французскай арміі каля Парыжу. 20 жніўня 2-ая армія аблажыла і 25 жніўня ўзяла ланцуг крэпасцяў вакол Намюра і ваявала супраць французскай 5-ай арміі пад камандаваннем генерала Шарля Ланрэзака ў бітвах пры Шарлеруа 23 — 24 жніўня 1914 года і пры Санкт-Квенціне 29 — 30 жніўня 1914 года.

2-я армія несла асноўны цяжар атацы саюзнікаў у бітве на Соме. З часам яна ўзмацнілася да такой ступені, што было прынята рашэнне падзяліць яе на дзве досыць магутных арміі. Такім чынам, 19 ліпеня 1916 года з правага (паўночнага) крыла 2-й арміі была сфармавана 1-я армія. Былы камандзір 2-й арміі генерал ад інфантэрыі Фрыц фон Белаў прыняў камандаванне 1-й арміяй, а 2-я армія атрымала новага камандуючага генерала ад артылерыі Макса фон Гальвіца. Фон Гальвіц таксама быў прызначаны камандзірам Групы армій Гальвіца, каб каардынаваць дзеянні абедзвюх армій на Соме.

У канцы вайны 2-я Армія ўваходзіла ў Групу армій Рупрэхта Баварскага.

Баявы склад на 1914 год

• Гвардзейскі Корпус (Генерал ад інфантэрыі Карл фон Платэнберг)
• VII Корпус (Генерал ад кавалерыі Карл фон Айнэм)
• X Корпус (Генерал ад інфантэрыі Ота фон Эміх)
• Гвардзейскі рэзервовы корпус (Генерал ад артылерыі Макс фон Гальвіц)
• VII Рэзервовы корпус (Генерал ад інфантэрыі Ханс фон Цвел)
• X Рэзервовы корпус (Генерал ад інфантэрыі Гюнтэр фон Кірхбах)

Карта плана Шліфена

Камандуючыя

• генерал-палкоўнік Карл фон Бюлаў (1914)
• генерал ад інфантэрыі Фрыц фон Белаў (1916)
• генерал ад артылерыі Макс фон Гальвіц (1916)
• генерал ад кавалерыі Георг фон дэр Марвіц (1916—1918)
• генерал ад інфантэрыі Адольф фон Карлавіц (1918)

Гл. таксама

Баявы расклад Германскай імперскай арміі ў 1914 годзе

Літаратура

• Hermann Cron. Imperial German Army 1914-1918: Organisation, Structure, Orders of Battle. — Helion & Company ltd, 2002. — ISBN 1-874622-70-1.