47-я партызанская брыгада «Перамога»

47-я партызанская брыгада «Перамога» — партызанская брыгада, створаная ў чэрвені 1942 года як 47-ы партызанскі атрад «Перамога» і накіравана ў нямецкі тыл. У жніўні 1942 года прыбыла ў Горацкі раён, у кастрычніку 1942 перадыслацыравана ў Прапойскі, потым у Краснапольскі раёны, дзейнічала у групе партызанскіх атрадаў М. М. Іванова, з сакавіка 1943 года самастойна, са жніўня ў Краснапольскай ваеннай акруге. 1 кастрычніка 1943 атрад (554 партызаны) злучылася з Чырвонай Арміяй. Пасля злучэння БШПР вызначыў атрад з сакавіка 1943 года як брыгаду.

47-я партызанская брыгада «Перамога»
Гады існавання	1942—1943
Краіна	Беларуская ССР
Падпарадкаванне	Беларускі штаб партызанскага руху
Тып	партызаны
Функцыя	барацьба з нямецкімі акупацыйнымі ўладамі
Колькасць	554 партызаны (1.10.1943)
Дыслакацыя	Горацкі, Прапойскі, Краснапольскі раёны
Войны	Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	М. Ц. Перапечкін; Ф. П. Ліпскі (выконваў абавязкі)

Камандаванне

Камандзіры

• М. Ц. Перапечкін;
• Ф. П. Ліпскі (выконваў абавязкі).

Камісары

• В. К. Арлоўскі;
• Х. Калімулін.

Начальнікі штаба

• А. У. Гаркавенка;
• А. М. Лосеў.

Гісторыя

Партызаны наносілі асноўныя ўдары па камунікацыях Горкі — Крычаў, Крычаў — Клімавічы, Жлобін — Гомель. У жніўні — верасні 1942 года падарвалі 6 эшалонаў, знішчылі аўтамашын. У жніўні 1943 года падарвалі больш за 480 рэек. У верасні 1943 года ўзаемадзейнічалі з часцямі Чырвонай Арміі, якія наступалі. 1 кастрычніка 1943 года разам з часцямі Чырвонай Арміі перарэзалі адыход праціўніку за раку Сож.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.