Harmonia axyridis

	Harmonia axyridis
Навуковая класіфікацыя
Дамен:	Эўкарыёты
Царства:	Жывёлы
Падцарства:	Эўметазоі
Без рангу:	Двухбакова-сіметрычныя
Без рангу:	Першаснаротыя
Без рангу:	Ecdysozoa
Без рангу:	Panarthropoda
Тып:	Членістаногія
Падтып:	Трахейнадыхальныя
Надклас:	Шасціногія
Клас:	Насякомыя
Падклас:	Крылатыя насякомыя
Інфраклас:	Навакрылыя насякомыя
Надатрад:	Насякомыя з поўным метамарфозам
Атрад:	Жукі
Падатрад:	Разнаедныя
Інфраатрад:	Cucujiformia
Надсямейства:	Cucujoidea
Сямейства:	Божыя кароўкі
Падсямейства:	Coccinellinae
Трыба:	Coccinellini
Род:	Harmonia
Від:	Harmonia axyridis
Міжнародная навуковая назва
	Harmonia axyridis Pallas, 1773
ITIS	692602
NCBI	115357
EOL	1174381

Harmonia axyridis — від азіяцкіх божых каровак, які распаўсюдзіўся таксама ў Еўропе і Паўночнай Амерыцы.

Апісанне

Афарбоўка пярэднеспінкі і надкрылаў вельмі варыятыўная, панцыр можа быць жоўты або чорны з плямкамі рознага колеру колькасцю ад 2 да 19.

Пашырэнне

Зыходны арэал віду ўключае поўдзень Сібіры, Паўночны Казахстан, Манголію, Кітай, Прымор'е, Японскія астравы, Шантарскія астравы, а таксама Карэйскі паўвостраў. Была завезена з пачатку XX стагоддзя ў шэраг краін Заходняй Еўропы і Паўночнай Амерыкі для біялагічнай барацьбы са шкоднікамі культурных раслін і паспяхова акліматызавалася.

Harmonia axyridis у Беларусі, 2019 год

У наш час належыць да небяспечных інвазійных арганізмаў Еўропы, што звязана з надзвычай высокай хуткасцю яе рассялення і істотным уплывам на структуру згуртаванняў абарыгенных відаў насякомых. Фарміраванне стабільных папуляцый адбылося ва Украіне. На тэрыторыі Беларусі Harmonia axyridis лакальна рэгістравалася на захадзе Беларускага Палесся, а таксама ў Панямонні з 2013–2014 гадоў.

Асаблівасці біялогіі

Тры стадыі развіцця

Вельмі пражэрлівая. Самка адкладае яйцы на раслінах недалёка ад калоній тлей, так яна забяспечвае патомства запасам ежы. Праз 1-2 тыдні з яец выходзяць лічынкі. Лічынкавая стадыя працягваецца звычайна 5-6 тыдняў. Затым лічынка акукліваецца. Прыкладна цераз тыдзень з кукалкі з'яўляецца дарослая асобіна.

Літаратура

Круглова, О. Ю. Фенооблик формирующихся в Республике Беларусь группировок инвазийного вида божьих коровок Harmonia axyridis Pallas (Coleoptera, Coccinellidae) / О. Ю. Круглова // Труды БГУ. — 2015. — т. 10, ч. 1. — С. 327—335.