Metroid Dread
«Metroid Dread» (яп.: メトロイド ドレッド) — камп’ютарная гульня ў жанры action-adventure, распрацаваная студыямі «MercurySteam» і «Nintendo EPD» для гульнявой кансолі «Nintendo Switch». Гульня з’яўляецца працягам «Metroid Fusion» (2002); падчас «Metroid Dread» гульнявы персанаж — паляўнічы за галовамі Самус Аран — наведвае планету пад назвай ЗДР, дзе сутыкаецца з новымі і небяспечнымі ворагамі-робатамі. У гульні захоўваецца бакавая пракрутка, характэрная для класічных гульняў серыі «Metroid», а таксама дадаюцца элементы стэлса — Самус не можа лёгка справіцца з робатамі ў баі і павінна пазбягаць іх. Выпуск гульні адбыўся 8 кастрычніка 2021 года.
| Metroid Dread | |
|---|---|
 | |
| Распрацоўшчыкі | Nintendo Entertainment Planning & Development[d] і MercurySteam[d][1] |
| Выдавец | Nintendo |
| Частка серыі | Metroid[d] |
| Дата анонсу | 15 чэрвеня 2021[2] |
| Дата выпуску | 8 кастрычніка 2021[2] |
| Ліцэнзія | прапрыетарная ліцэнзія[d] |
| Жанры | прыгодніцкі баявік і Metroidvania[d] |
| Стваральнікі | |
| Прадзюсар | |
| Тэхнічныя даныя | |
| Платформа | Nintendo Switch |
| Рэжым гульні | аднакарыстальніцкая гульня |
| Мовы інтэрфейсу | англійская, японская мова, французская, нямецкая, нідэрландская, руская, іспанская, італьянская мова, карэйская, спрошчаная кітайская[d] і традыцыйная кітайская[d] |
| Носьбіты | лічбавая спампоўка[d] і гульнявы картрыдж |
| Кіраванне | геймпад |
| Афіцыйны сайт (англ.) Афіцыйны сайт (яп.) Афіцыйны сайт (кар.) | |
 Медыяфайлы на Вікісховішчы | |
«Metroid Dread» першапачаткова распрацоўвалася ў сярэдзіне 2000-х як гульня для «Nintendo DS», але гэты ранні праект быў адменены з-за тэхнічнай цяжкасці. Яна заставалася прадметам цікавасці гульцоў і прэсы ў наступныя гады, у выніку стаўшы адным з рэдкіх прыкладаў у гісторыі камп’ютарных гульняў, калі распрацоўка раней адмененага праекта была адноўлена праз шмат гадоў. Хаця іншыя выпушчаныя пасля «Metroid Fusion» гульні серыі былі цалкам трохмернымі, серыя «Metroid» вярнулася да фармату бакавой пракруткі з «Metroid: Samus Returns» (2017), распрацаванай «Nintendo EPD» у супрацоўніцтве са студыяй «MercurySteam». Стваральнік «Metroid» Ёсіа Сакамота, які кіраваў стварэннем большасці двухмерных гульняў серыі, быў уражаны талентам «MercurySteam», што прывяло да аднаўлення супрацоўніцтва студыі з «Nintendo» і ўдзелу ў распрацоўцы «Dread». «Nintendo» анансавала «Metroid Dread» на E3 2021.
Зноскі правіць
- ↑ https://vandal.elespanol.com/noticia/1350745359/nintendo-anuncia-metroid-dread-una-nueva-aventura-con-jugabilidad-2d/
- ↑ а б Peters J. Metroid Dread is real, and it’s coming to the Switch: Metroid Dread is launching October 8th // The Verge — 2021. Праверана 15 чэрвеня 2021.