Phragmatobia fuliginosa

Phragmatobia fuliginosa — від матылькоў з сямейства Erebidae.

Phragmatobia fuliginosa
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Матылі Падатрад:  Glossata Надсямейства:  Noctuoidea Сямейства:  Erebidae Падсямейства:  Мядзведзіцы Трыба:  Arctiini Падтрыба:  Spilosomina Род:  Phragmatobia Від:  Phragmatobia fuliginosa
Міжнародная навуковая назва
Phragmatobia fuliginosa
Сістэматыка на Віківідах Выявы на Вікісховішчы ITIS   188651 NCBI   214311

Распаўсюджанне

Распаўсюджаны на большай частцы Еўропы, Паўночнай Афрыкі, Расіі, Сярэдняй Азіі і Тыбету. Ён таксама прысутнічае на поўначы Паўночнай Амерыкі. Засяляе вільготныя адкрытыя лясы і лугі, змешаныя лісцевыя лясы на нізкіх вышынях, адкрытыя лугі або прэрыі і сельскагаспадарчыя ўгоддзі на нізкіх вышынях.

Апісанне

Даўжыня пярэдняга крыла — 12-18 мм. Размах крылаў — 30-35 мм. Пярэднія крылы вар’іруюць па афарбоўцы ад насычанага каштанавага да цьмянага шаравата-карычневага, з двума чорнымі дыскальнымі кропкамі. Заднія крылы ружавата-чырвоныя, з двума чорнымі дыскальнымі кропкамі і плямамі ля вонкавага краю. У асобнікаў з шараватымі пярэднімі крыламі, якія жывуць часцей на поўначы, у аснове задняга крыла размяшчаецца маленькая ружовая пляма. Брушка таксама чырвонае з чорнымі плямамі.

Спосаб жыцця

Лёт імага з сярэдзіны красавіка да кастрычніка. Від мае два ці тры пакаленні ў год і зімуе як палаваспелы вусень, схаваўшыся пад расліннасцю ў зямлі. Харчуецца вусень рознымі раслінамі.

Падвіды

Вылучаюць такія падвіды:

• Phragmatobia fuliginosa borealis (Staudinger, 1871). Распаўсюджаны ў Шатландыі і паўночных рэгіёнах Еўропы і Азіі.
• Phragmatobia fuliginosa melitensis (O. Bang-Haas, 1927) (Мальта).
• Phragmatobia fuliginosa paghmani (Lének, 1966) (Закаўказзе: Азербайджан; Іран; паўночны Ірак; Афганістан; Цэнтральная Азія; паўднёвы Казахстан; Кітай: заходні Сіньцзян).
• Phragmatobia fuliginosa pulverulenta (Alphéraky, 1889) (Кітай, паўднёва-ўсходні Казахстан).
• Phragmatobia fuliginosa rubricosa (Harris, 1841) (Паўночная Амерыка).
• Phragmatobia fuliginosa taurica (Daniel, 1970) (Блізкі Усход).