Адкрыць галоўнае меню

Viber ([vaɪbə], «Вайбер») — праграма для смартфонаў, якая дазваляе рабіць галасавыя VoIP тэлефонныя званкі праз сусветную сістэму аб’яднаных камп’ютарных сетак «Інтэрнэт», падлучаючыся да яе пры дапамозе тэхналогіі бесправадных ЛВС «Wi-Fi» або перадаючы інтэрнэт-трафік праз мабільныя сеткі сотавай сувязі. Галасавыя выклікі паміж карыстальнікамі з усталяваным Viber бясплатныя (аплачваецца толькі інтэрнэт-трафік па тарыфе аператара сувязі). Таксама ў Viber маецца магчымасць перадачы тэкставых паведамленняў, грошай, малюнкаў, відэа-і аўдыёпаведамленняў, дакументаў і файлаў.

Viber
Viber logo.svg
Тып бізнес, кліент сістэмы імгненнага абмену паведамленнямі[d], сафтфон[d] і IP-тэлефон[d]
Распрацоўшчык «Вайбер Медыя» (Кіпр)
Напісана на Java, C, мова праграмавання, Python, C++ і Objective-C[d]
Аперацыйная сістэма Android, BlackBerry(англ.) бел., iOS(англ.) бел., Лінукс (Убунту, Федора), Mac OS, Symbian, Windows, Windows Phone
Першы выпуск 2010[1]
Апошняя версія
Ліцэнзія карыстальніцкая
Сайт www.viber.com

Для аўтарызацыі карыстальнікаў і пошуку кантактаў праграма выкарыстоўвае нумар тэлефона і перадае змесціва тэлефоннай адраснай кнігі (імёны і тэлефоны ўсіх кантактаў) на сервера карпарацыі Viber Media S.à r.l., Люксембург. Яны ж збіраюць інфармацыю аб учыненых званках і перададзеных паведамленняў, працягласці званкоў, удзельніках званкоў і чатаў — у мэтах паляпшэння якасці абслугоўвання і ў іншых мэтах.

ГісторыяПравіць

Першая версія праграмы была распрацавана ў снежні 2010 года выключна для iPhone і мела абмежаванне на колькасць карыстальнікаў у 50000. Viber для BlackBerry, Bada і Windows Phone быў выпушчаны ў маі 2012 года. Праз год, у 2013 годзе, выйшла абнаўленне праграмы для iOS да версіі 3.0, з рэлізам якога было абвешчана аб даступнасці Viber Desktop для Windows і OS X.

Таксама ў 2013 году з’яўляецца ViberOut — платная функцыя званкоў на стацыянарныя і мабільныя тэлефоны, дзе не ўстаноўлена праграма або няма доступу ў інтэрнэт. Кошт залежыць ад месцазнаходжання абанента, якому вы хочаце патэлефанаваць. Ваша месцазнаходжанне значэння не мае — галоўнае, каб быў інтэрнэт.

14 студзеня 2014 года японская электронная кампанія Rakuten заявіла аб сваім намеры набыць Viber за 900 млн долараў. Здзелка была завершана ў лютым 2014 года.

Офіс тэхнічнай распрацоўкі і падтрымкі карыстальнікаў знаходзіцца ў Мінску і Брэсце. Viber з’яўляецца рэзідэнтам беларускага Парка высокіх тэхналогій.

Згодна з фінансавай справаздачнасці Rakuten, у 2014 годзе мессенджер прынёс першую выручку ў $ 1,5 млн.

У 2014 годзе база Viber налічвала больш за 280 мільёнаў карыстальнікаў.

З дадатковых сэрвісаў стала магчыма здзяйсняць грашовыя пераклады па ўсім свеце. Гэта стала магчыма ў 2015 годзе дзякуючы сістэме «Вестэрн Юніён».

У 2017 годзе каля 900 мільёнаў зарэгістраваных карыстальнікаў выкарыстоўваюлі Viber рэгулярна.

МовыПравіць

На 2015 год выданне праграмы для Windows Phone мела інтэрфэйс на 35 мовах[2]. Для Андроід — на 33 мовах[3]. Для iOS — на 32 мовах[4]. Для Windows — на 12 мовах[5]. Для Блэкберы — на 4 мовах[6].

Беларускі пераклад праграмы існаваў для Андроід[7].

КампаніяПравіць

Viber Media — міжнародная кампанія з галаўным офісам на Кіпры. Цэнтры распрацоўкі месцяцца ў Мінску, Брэсце і Ізраілі. Кампанія была заснавана Тальманам Марка і Ігарам Магазіннікам.

Дадатковая інфармацыяПравіць

  • На пачатак жніўня 2013 сервіс ужо меў больш за 200 мільёнаў карыстальнікаў у 193 краінах свету, у тым ліку 300 тысяч у Ліване і некалькі мільёнаў у Егіпце. Егіпецкія і ліванскія ўлады мяркуюць, што ў сувязі з «ізраільскімі каранямі» праграмы, яна на самой справе выкарыстоўваецца для падтрымкі «сіянісцкіх шпіёнскіх намаганняў». Егіпецкія вайскоўцы забаранілі любое выкарыстанне праграмы вайскоўцамі і іх сем’ямі ў мэтах бяспекі, а асноўны правайдар 3G у Ліване выключыў яго з сеткі. Тым часам, шматлікія арабскія сайты прапануюць карыстальнікам парады, як абысці гэтыя перашкоды.
  • На Symbian магчымы толькі абмен тэкставымі паведамленнямі. Галасавыя выклікі немагчымыя.
  • Адзін з дапаможных сервісаў Viber Support быў узламаны ў ліпені 2013 групай, якая абазначыла сябе як Syrian Electronic Army.

Зноскі

  1. (unspecified title) Праверана 28 чэрвеня 2019.
  2. Вайбэр , Windows Phone (11 мая 2015). Праверана 12 траўня 2015.
  3. Вайбэр , Google Play(англ.) бел. (7 красавіка 2015). Праверана 12 мая 2015.
  4. Вайбэр , iTunes (12 мая 2015). Праверана 12 мая 2015.
  5. Вайбэр , Windows Store(англ.) бел. (2015). Праверана 12 мая 2015.
  6. Вайбэр , BlackBerry World(англ.) бел. (19 лістапада 2013). Праверана 12 мая 2015.
  7. Сьцягнуць Вайбэр , Вэссофт (2014). Праверана 12 мая 2015.