IOS

мабільная аперацыйная сістэма

iOS (раней iPhone OS) — мабільная аперацыйная сістэма для смартфонаў, электронных планшэтаў, партатыўных медыяпрайгравальнікаў і некаторых іншых прылад, якая распрацоўваецца і выпускаецца амерыканскай кампаніяй Apple. Была выпушчана ў 2007 годзе; першапачаткова — для iPhone і iPod touch, пазней — для такіх прылад, як iPad. У 2014 годзе з’явілася падтрымка аўтамабільных мультымедыйных сістэм Apple CarPlay. У адрозненне ад Android выпускаецца толькі для прылад, якія вырабляюцца фірмай Apple.

IOS
IOS wordmark (2017).svg
Распрацоўшчык Эпл
Заснавана на macOS і Darwin[d]
Падтрымлівае мовы французская мова, англійская, паўночнакітайская мова, іспанская мова, японская мова, карэйская, італьянская мова, партугальская мова, руская мова, нямецкая, дацкая мова, шведская мова, арабская мова, тайская мова, фінская мова, польская, в'етнамская мова, нарвежская мова, інданезійская мова, грэчаская мова, іўрыт, румынская мова, венгерская мова, каталанская мова, чэшская, хіндзі, малайская мова, украінская мова, харвацкая мова і славацкая
Падтрымлівае платформы iPod Touch, Apple TV[d], HomePod[d] і Apple Watch[d]
Тып ядра XNU (гібрыднае)
Інтэрфейс Cocoa Touch[d]
Ліцэнзія прапрыетарная ліцэнзія[d]
Вэб-сайт apple.com/ios/(англ.) 
Лагатып Вікісховішча Медыяфайлы на Вікісховішчы

У iOS выкарыстоўваецца ядро XNU, заснаванае на мікраядры Mach і якое змяшчае праграмны код, распрацаваны кампаніяй Apple, а таксама код з аперацыйных сістэм NeXTSTEP і FreeBSD. Ядро iOS амаль ідэнтычна ядру настольнай аперацыйнай сістэмы Apple MacOS. Пачынаючы з самай першай версіі, iOS працуе толькі на планшэтных камп’ютарах і смартфонах з працэсарамі архітэктуры ARM.

Агульныя звесткіПравіць

Карыстальніцкі інтэрфейс iOS заснаваны на канцэпцыі прамога ўзаемадзеяння з выкарыстаннем жэстаў "мультытач". Элементы кіравання інтэрфейсам складаюцца з паўзункоў, пераключальнікаў і кнопак.

iOS распрацавана на аснове аперацыйнай сістэмы OS X і выкарыстоўвае той жа набор асноўных кампанентаў Darwin, сумяшчальны са стандартам POSIX.

Пласты абстракцыі iOS:

Гісторыя стварэнняПравіць

Аперацыйная сістэма iPhone OS была прадстаўлена 9 студзеня 2007 года сумесна з першым смартфонам ад Apple iPhone 2G асабіста Стывам Джобсам на выставе-канферэнцыі Macworld Conference & Expo і выпушчана ў чэрвені таго ж года.[1]

Apple не мела асобнай назвы для мабільнай аперацыйнай сістэмы, таму першапачатковы слоган гучаў так: "iPhone працуе на OS X".

27-га студзеня 2010 года быў прадстаўлены першы планшэтны камп'ютар ад кампаніі Apple iPad 1, для яго была створана адмысловая версія аперацыйнай сістэмы IPhone OS 3.2, якая мела шпалеры на працоўным стале і перайначаны Dock. Уніфікаваная версія iPhone OS, сумяшчальная з iPhone, iPad і iPod Touch, выйшла ў канцы 2010-га года, пераняўшы большасць новаўвядзенняў, прадстаўленых у iPhone OS 3.2, але цяпер на ўсіх прыладах.

Дадаткі для iOSПравіць

На прыладах iOS прадусталяваны дадаткі, распрацаваныя Apple, у тым ліку Пошта, Карты, Музыка, FaceTime і многія іншыя. Дадаткі ад іншых распрацоўшчыкаў можна спампаваць з лічбавай крамы App Store, дзе яны праходзяць праверку бяспекі, перш чым стаць даступнымі для карыстальнікаў. Па стане на 2016 год App Store змяшчаў больш за 2 млн праграм.[2] Дадаткі iOS таксама можна ўсталёўваць неафіцыйнымі спосабамі непасрэдна з файла IPA, прадастаўленага дыстрыбутарам праграмнага забеспячэння.

Для напісання дадаткаў iOS выкарыстоўваецца iOS Software Development Kit (SDK), часта ў спалучэнні з Xcode, з выкарыстаннем моў праграмавання Swift і Objective-C, якія падтрымлівае Apple. Іншыя кампаніі таксама ствараюць інструменты, якія дазваляюць распрацоўваць прыкладанні для iOS з выкарыстаннем іншых моў праграмавання.

Цікавыя фактыПравіць

  • Apple выкарыстоўвае гандлёвы знак iOS па ліцэнзіі Cisco.

Гл. таксамаПравіць

Зноскі

  1. Thomas, Owen. Apple: Hello, iPhone (англ.) . CNN Money. CNN (9 студзеня 2007). Архівавана з першакрыніцы 2 красавіка 2017. Праверана 13 студзеня 2023.
  2. Golson, Jordan. Apple's App Store now has over 2 million apps (англ.) . The Verge. Vox Media (13 чэрвеня 2016). Архівавана з першакрыніцы February 10, 2017. Праверана 14 студзеня 2023.

СпасылкіПравіць