Іван Міхайлавіч Мазаляка

Іва́н Міха́йлавіч Мазаля́ка (23 мая 1931, в. Яўсеевічы Капыльскага раёна Мінскай вобласці — 13 мая 2006) — беларускі савецкі дзяржаўны дзеяч, міністр прамысловага будаўніцтва БССР (1979—1985), намеснік міністра прамысловага будаўніцтва СССР (1985—1987).

Іван Міхайлавіч Мазаляка
Міністр будаўніцтва і эксплуатацыі аўтамабільных дарог БССР 1989 — 1991
Кіраўнік урада	Міхаіл Кавалёў
Папярэднік	Васіль Шарапаў
Пераемнік	Станіслаў Яцута
Міністр прамысловага будаўніцтва БССР 1979 — 1985
Кіраўнік урада	Аляксандр Аксёнаў Уладзімір Бровікаў
Папярэднік	Мікалай Архіпец
Пераемнік	Станіслаў Брыль
Нараджэнне	23 мая 1931(1931-05-23) Яўсеевічы, Грозаўскі сельсавет, Грэскі раён, БССР, СССР
Смерць	13 мая 2006(2006-05-13) (74 гады)
Адукацыя	Мінскі дзяржаўны аўтамеханічны каледж імя М. С. Высоцкага (1951) БПІ (1959)
Дзейнасць	міністр, будаўнік
Узнагароды

Біяграфія

Скончыў Мінскі аўтамеханічны тэхнікум (1951), Беларускі політэхнічны інстытут (1959).

У 1951—1961 гадах працаваў у будаўнічых упраўленнях домабудаўнічага камбіната №1 у Мінску: майстар, прараб, начальнік участка, намеснік галоўнага будаўніка, начальнік канструктарскага аддзела, галоўны інжынер, пасля сакратар парткама, начальнік камбіната. У 1966—1969 гадах кіраўнік Трэста квартальнай забудовы г. Мінска. З 1969 года намеснік міністра прамысловага будаўніцтва БССР, начальнік вытворча-мантажнага камбіната «Мінскбуд», з 1974 года першы намеснік міністра будаўніцтва і эксплуатацыі аўтамабільных дарог БССР, з 1979 года міністр прамысловага будаўніцтва БССР. У 1985—1987 гадах працаваў намеснікам міністра прамысловага будаўніцтва СССР. На пенсію выйшаў з пасады міністра будаўніцтва і эксплуатацыі аўтамабільных дарог БССР.

Дэпутат Вярхоўнага Савета БССР (1971—1975; з 1980), член ЦК КПБ з 1981.

Узнагароды

• ордэн Працоўнага Чырвонага Сцяга,
• ордэн «Знак Пашаны»,
• медаль «За доблесную працу».