Міхаіл Васілевіч Кавалёў

Міхаі́л Васі́левіч Кавалё́ў (16 жніўня 1925, в. Дубравіца Клімавіцкага раёна Магілёўскай вобласці — 5 ліпеня 2007, Мінск) — савецкі і беларускі дзяржаўны і партыйны дзеяч. Дэпутат Савета Нацыянальнасцей Вярхоўнага Савета СССР 11 склікання (1984—1989) ад Беларускай ССР. Член ЦК КПСС (1986—1990). Член КПСС з 1962 года.

Міхаіл Кавалёў
8-ы Старшыня Савета Міністраў БССР 10 студзеня 1986 — 7 красавіка 1990
Папярэднік	Уладзімір Бровікаў
Пераемнік	Вячаслаў Кебіч
Старшыня Мінскага гарадскога выканаўчага камітэта студзень 1968 — студзень 1977
Папярэднік	Васіль Шарапаў
Пераемнік	Генадзь Барташэвіч
Нараджэнне	16 жніўня 1925(1925-08-16) Дубравіца, Лабжанскі сельсавет, Клімавіцкі раён, Калінінская акруга, БССР, СССР
Смерць	5 ліпеня 2007(2007-07-05) (81 год) Мінск, Беларусь
Месца пахавання	Усходнія могілкі
Жонка	Марыя Цімафееўна
Партыя	КПСС з 1962
Член у	ЦК КПСС
Адукацыя	Санкт-Пецярбургскі горны інстытут
Прафесія	інжынер-шахтабудаўнік
Бітвы	Другая сусветная вайна
Узнагароды

Біяграфія

У 1954 годзе скончыў Ленінградскі горны інстытут. Заслужаны будаўнік БССР (1964).

Удзельнічаў у Вялікай Айчыннай вайне, быў двойчы паранены. 3 ліпеня 1944 года ўвайшоў у Мінск. З 1948 года працаваў на Мінскім маторарамонтным заводзе. У 1954—1962 — майстар, прараб, начальнік будаўнічага ўпраўлення, кіраўнік будаўнічага трэста №1 ў Мінску. У 1962—1966 начальнік будаўнічага ўпраўлення і кіраўнік будаўнічага трэста № 3 у Салігорску.

З 1966 года — намеснік міністра будаўніцтва БССР.

У 1967 — 1977 гадах — старшыня Мінскага гарвыканкама.

У 1977 — 1978 — гадах першы намеснік старшыні Дзяржплана БССР.

З 1978 года — намеснік, з 1983 года — першы намеснік старшыні Савета Міністраў БССР.

У 1986 — 1990 гадах — Старшыня Савета Міністраў БССР.

З 1990 года — персанальны пенсіянер саюзнага значэння.

Член ЦК КПСС у 1986—1990 гадах. Член ЦК КПБ у 1971—1990 гадах. Дэпутат Вярхоўнага Савета СССР у 1984—1991, Вярхоўнага Савета БССР у 1970—1990 гадах.

Магіла Міхаіла Кавалёва на Усходніх могілках

Памёр у 2007 годзе, пахаваны ў Мінску на Усходніх могілках.

Узнагароды

• Ордэн Леніна
• Ордэн Кастрычніцкай Рэвалюцыі
• Ордэн Айчыннай вайны 1-й ступені
• два Ордэна Працоўнага Чырвонага Сцяга
• Ордэн Чырвонай Зоркі
• Ордэн «Знак Пашаны»
• Медаль «За адвагу»

Ушанаванне памяці

У Мінску ў доме па адрасе перавулак Бранявы, 4, дзе жыў М. Кавалёў, усталявана мемарыяльная дошка ва ўшанаванне памяці славутага дзяржаўнага дзеяча. Згодна надпісу на дошцы: «у гэтым доме жыў дзяржаўны і палітычны дзеяч Беларусі Міхаіл Васілевіч Кавалёў».

Літаратура

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 395. — 10 000 экз. — ISBN 985-11-0035-8. — ISBN 985-11-0130-3 (т. 7).
• Кавалёў Міхаіл Васілевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 352. — 800 с. — 5 000 экз. — ISBN 985-11-0026-9.

Спасылкі

• Біяграфія на сайце Нацыянальнага архіва Рэспублікі Беларусь Архівавана 26 студзеня 2016.
• http://www.nv-online.info/by/611/printed/106717/%D0%A1%D1%8B%D0%BD-%D1%81%D0%B2%D0%BE%D0%B5%D0%B9--%D0%B7%D0%B5%D0%BC%D0%BB%D0%B8-%D0%B8-%D0%B2%D1%80%D0%B5%D0%BC%D0%B5%D0%BD%D0%B8.htm Архівавана 2 кастрычніка 2015.