Іван Цярэнцьевіч Бурсаў

Іван Цярэнцьевіч Бу́рсаў (нар. 19 снежня 1927, г. Клімавічы Магілёўскай вобласці) — рускі паэт, перакладчык.

Іван Цярэнцьевіч Бурсаў
Асабістыя звесткі
Дата нараджэння	19 снежня 1927(1927-12-19)
Месца нараджэння	Клімавічы, Клімавіцкі раён, Магілёўская акруга, БССР, СССР
Дата смерці	2019
Месца смерці	Масква, Расія
Альма-матар	Літаратурны інстытут імя А. М. Горкага
Прафесійная дзейнасць
Род дзейнасці	паэт, перакладчык

Біяграфія

Скончыў Літаратурны інстытут імя Горкага ў Маскве (1962). Працаваў у часопісе «Нёман», у выдавецтве «Молодая гвардия» (Масква).

Творчасць

Друкуецца з 1953. Аўтар зборнікаў паэзіі «Грамата гадоў» (1977), «Пясочны гадзіннік» (1981), «Круг» (вершы, паэма, 1986), кніг вершаў і казак для дзяцей «Едзе лес» (1961), «Вясёлыя небыліцы» (1970), «Краіна Блакітнага Сонца» (1973), «Казкі, поўныя цудаў» (1979), «Сорак сарок» (1988) і інш.

Перакладае з беларускай і ўкраінскай моў на рускую (зборнікі паэзіі А. Астрэйкі, Р. Барадуліна, Д. Бічэль-Загнетавай, П. Броўкі, Г. Бураўкіна, В. Зуёнка, У. Караткевіча, Е. Лось, К. Цвіркі і інш.).

Літаратура

• Бурсаў // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).