Інакенцій X

Інакенцій X (лац. Innocentius PP. X, свецкае імя: Джамбатыста Памфілі, італ. Giambattista Pamphili; 7 мая 1574 — 7 студзеня 1655) — Папа Рымскі з 15 верасня 1644 да 7 студзеня 1655 г.

Інакенцій X
лац.: Innocentius PP. X
Знакаміты партрэт пэндзля Дыега Веласкеса
236-ы Папа Рымскі 15 верасня 1644 — 7 студзеня 1655
Папярэднік	Урбан VIII
Пераемнік	Аляксандр VII
камерленга Калегіі кардыналаў[d] 1643 — 1644
Папярэднік	Giandomenico Spinola[d]
Пераемнік	Gil de Albornoz y Espinosa[d]
кардынал з 30 жніўня 1627
apostolic Nuncio to Spain[d] (Іспанія) 30 мая 1626 — 1 сакавіка 1630
Адукацыя	Папскі Грыгарыянскі ўніверсітэт
Дзейнасць	каталіцкі святар, дыпламат
Нараджэнне	6 мая 1574 Рым, Папская вобласць
Смерць	7 студзеня 1655(1655-01-07)[…] (80 гадоў) Рым, Папская вобласць
Пахаванне	Sant'Agnese in Agone[d]
Дынастыя	Pamphili[d]
Бацька	Camillo I Pamphili[d]
Маці	Flaminia Cancellieri del Bufalo[d]
Прыняцце свяшчэннага сану	невядома
Кардынал з	1627
Медыяфайлы на Вікісховішчы

Біяграфія

Джамбатыста Памфілі нарадзіўся 6 мая 1574 года ў Рыме ў сям’і з Губіа, якая была ў далёкім сваяцтве з Борджа. Даводзіўся пра-пра-праўнукам Папе Аляксандру VI.

Вывучаў права і працаваў на розных пасадах у Рымскай курыі. Урбан VIII прызначыў яго нунцыем у Францыю, а затым — у Іспанію. У 1629 годзе быў прызначаны кардыналам. Інакенцій Х кіраваў царквой сумесна са сваім непатам, Каміла Барберыні, які атрымаў кардынальскую шапку неўзабаве пасля абрання яго дзядзькі на папскі прастол. Вялікую ролю пры папскім двары адыгрывала і маці кардынала-непата Алімпія Майдалькіні, празваная «папесай». Яна вырашала часам найважнейшыя пытанні палітыкі апостальскай сталіцы.

У 1648 годзе Папа асудзіў заключэнне Вестфальскага міру, які спыніў Трыццацігадовай вайне. У дактрынальнай сферы атрымаў вядомасць дэкрэт Інакенція X, які асуджаў янсенізм — рэлігійны кірунак, што быў папулярны тады ў Францыі. З мэтай пашырэння тэрыторыі папскай дзяржавы Інакенцій Х распачаў ваенны паход супраць маленькага княства Кастра, якое належала сям’і Фарнезэ. Горад быў захоплены, даму і цэрквы ў ім разбураны, а зямля, на якой ён знаходзіўся, далучана да папскіх уладанняў.

Карцінная галерэя Інакенція X і яго сваякоў дагэтуль знаходзіцца ў руках іх нашчадкаў. Яна выстаўлена ў Рыме як галерэя Дорыа-Памфілі. Выбудаваная па загадзе пантыфіка віла Памфілі — упадабанае месца адпачынку жыхароў Рыма.