Вікіпедыя

Інтэрнат № 1 Магілёўскага дзяржаўнага ўніверсітэта імя Аркадзя Куляшова

Інтэрнат № 1 Магілёўскага дзяржаўнага ўніверсітэта імя Аркадзя Куляшова — будынак у гістарычным цэнтры Магілёва, размешчаны па адрасе Ленінская вуліца, 39. Пабудаваны ў канцы 1930-х гадоў з цэглы як інтэрнат педагагічнага інстытута. Будынак — помнік савецкай архітэктуры, у якім спалучаюцца класіцыстычная і канструктывісцкія прыёмы[1].

Славутасць
Інтэрнат № 1 Магілёўскага дзяржаўнага ўніверсітэта імя Аркадзя Куляшова
53°54′00″ пн. ш. 30°20′20″ у. д.HGЯO
Краіна  Беларусь
Горад Магілёў
Архітэктурны стыль канструктывізм, класіцызм
Дата пабудовы 1930-я
Map
Лагатып Вікісховішча Медыяфайлы на Вікісховішчы

Архітэктура правіць

Чатырохпавярховы будынак складаецца з 2 аб’ёмаў прамавугольнай формы, ступеньчата злучаных на тарцовых частках. Галоўны архітэктурны акцэнт — у месцы злучэння аб’ёмаў. Тут размешчаны галоўны ўваход з шырокай лесвіцай, над ім — балкон з ажурнай металічнай агароджай[2]. Вугал будынка на 2 і 3 паверхах вылучаны паўкалонамі з энтазісам, якія падтрымліваюць шырокі антаблемент і аб’яднаны балконам[1]. Фасады рытмічна члянёны прамавугольнымі аконнымі праёмамі з падконнымі нішамі, завершаны прафіляваным карнізам, сцяна першага паверха руставаная, астатнія гладкія. Унутраная планіроўка калідорнага тыпу[2].

Цікавыя факты правіць

У гэтым інтэрнаце з 1971 па 1975 год у пакоі №32 пражываў студэнт гістарычнага факультэта Аляксандр Рыгоравіч Лукашэнка, першы Прэзідэнт Рэспублікі Беларусь[3]

Зноскі

  1. ↑ а б Шамрук, А. С. Архитектура Беларуси ХХ — начала ХХІ в.: эволюция стилей и художественных концепций. — Минск: Белорусская наука, 2007. — 335 с.: илл. ISBN 978-985-08-0868-4
  2. ↑ а б Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл.
  3. ↑ Общежитие, в котором в студенческие годы жил Александр Лукашенко: душ по расписанию, на дверях - таблички с именами Архівавана 19 кастрычніка 2016.

Літаратура правіць

Спасылкі правіць

Узята з "https://be.wikipedia.org/w/index.php?title=Інтэрнат_№_1_Магілёўскага_дзяржаўнага_ўніверсітэта_імя_Аркадзя_Куляшова&oldid=4404870"