Абрам Саламонавіч Векслер

Абра́м Саламонавіч (Шлёмавіч) Ве́кслер (22 студзеня 1905, Горкі, Магілёўская губерня, Расійская імперыя — 12 ліпеня 1974, Ленінград, РСФСР, СССР) — савецкі мастак. Працаваў мастаком-пастаноўшчыкам у кіно.

Абрам Саламонавіч Векслер
Дата нараджэння	22 студзеня 1905(1905-01-22)
Месца нараджэння	Горкі, Горацкі павет, Магілёўская губерня, Расійская імперыя
Дата смерці	1974
Месца смерці	Ленінград, РСФСР, СССР
Грамадзянства	Расійская імперыя  Расійская рэспубліка  БНР  РСФСР  СССР
Дзеці	Юрый Абрамавіч Векслер[d]
Род дзейнасці	мастак
Вучоба	Віцебскае народнае мастацкае вучылішча (1922)
Медыяфайлы на Вікісховішчы

Біяграфія

Сын сталяра-чырванадрэўшчыка. Абрам Векслер з'яўляецца малодшым братам мастака Міхаіла Векслера (1898—1974).

У 1917 і 1921-22 працаваў у Мастацка-дэкаратыўных майстэрнях Віцебска (падмасцер'е, маляр-дэкаратар). Добраахвотнікам служыў у Чырвонай Арміі ў Туркестане.

У 1921—1922 гадах вучыўся ў Віцебскім мастацка-практычным інстытуце ў Юдэля Пэна, затым — у Казіміра Малевіча і Веры Ермалаевай. Сябра УНОВИСа. Захавалася адна з яго вучэбных прац - супрэматычная пастановачная кампазіцыя ("Статычная канструкцыя №6.Супрэматызм", Вяцкі мастацкі музей). У 1922 годзе разам з іншымі вучнямі Віцебскай школы пераязжае ў Пецярбург. На працягу года жыве ў Ермалаевай, удзельнічае ў творчых вечарынах, дзе бывалі Міхаіл Мацюшын, Павел Філонаў і іншыя мастакі.

У 1922—1925 гадах прахадзіў абучэнне ў петраградскім (затым — ленінградскім) ВХУТЕМАСе, спачатку на агульным курсе, потым на паліграфічным факультэце. У якасці практыканта працуе ў Гінхуке (1924). У маі 1924 года пераводзіцца ў Дэкаратыўны інстытут, дзе спачатку быў практыкантам, потым падмасцер'ем-жывапісцам. У 1926 годзе апынуўся ў Гомелі, падпрацоўваў рабочым-рэтушэрам, мастаком у тэатры. Вярнуўся ў Ленінград, служыў у Чырвонай Арміі ў палку сувязі (1927-29).

З 1927 па 1966 год працаваў на ленінградскай кінафабрыцы "Совкино" (у розныя годы - "Союз-кино", "Росфильм", "Ленфильм") памочнікам, мастаком-дэкаратарам, мастаком.

У 1951 годзе атрымаў прыз Канскага кінфестываля за лепшыя дэкарацыі да фільма "Мусаргскі".

Сын — кінааператар Юрый Абрамамавіч Векслер. Дачка — тэатральны грымёр Ліяна Абрамаўна Рапапорт.

Абрам Векслер. Статычная плоскасная канструкцыя. Пачатак 1920-х.

Абрам Векслер у апошнія гады жыцця

Фільмаграфія

• 1931 — Человек за бортом
• 1932 — Товарный № 717
• 1933 — Солдатский сын
• 1934 — На Луну с пересадкой
• 1936 — Федька
• 1938 — Великий гражданин
• 1939 — Четвёртый перископ
• 1941 — Антон Иванович сердится
• 1943 — Во имя Родины («Русские люди»)
• 1944 — Морской батальон
• 1947 — Новый дом
• 1949 — Академик Иван Павлов
• 1950 — Мусоргский
• 1952 — Римский-Корсаков
• 1953 — Алеко (совм. с В. Волиным)
• 1954 — Укротительница тигров
• 1956 — Таланты и поклонники
• 1956 — Медовый месяц
• 1958 — Мистер Икс (совм. с Е. Енеем)
• 1958 — Ночной гость
• 1959 — Не имей 100 рублей…
• 1960 — Балетные миниатюры
• 1961 — Поднятая целина (3-я серия)
• 1962 — Дикая собака динго
• 1963 — Каин XVIII («Два друга»)
• 1964 — Возвращённая музыка