Авіякампанія Гродна
Авіякампанія Гродна — беларуская авіякампанія, якая базуецца ў аэрапорце Гродна. Займаецца грузавымі перавозкамі па ўнутраных і міжнародных авіялініях[1], а таксама хімапрацоўкай палёў[2].
| Авіякампанія Гродна | |
| Дата заснавання | 1945 |
|---|---|
| Хабы | Аэрапорт Гродна |
| Памер флота | 11 |
| Штаб-кватэра | Гродна, Беларусь |
| Сайт: http://www.grodnoavia.com/ | |
.jpg)
Гісторыя
правіцьАдкрытае акцыянернае таварыства «Авіякампанія Гродна», у мінулым — Гродзенскі аб’яднаны авіяатрад, вядзе сваю гісторыю з 1945 года. У розныя перыяды прадпрыемства эксплуатавала паветраныя судны По-2, Як-12, Ан-2. Асноўным відам дзейнасці прадпрыемства з’яўлялася выкананне авіяцыйна-хімічных работ у сельскай гаспадарцы. У асобныя гады прадпрыемствах апрацоўвала да 1 млн га сельгасугоддзяў на ўсёй тэрыторыі СССР[3].
У лютым 2024 года стала вядома, што авіякампанію «Гродна» рэарганізуюць і далучаць да «Белавія». Такое рашэнне 31 студзеня 2024 года прыняла Міністэрства транспарту і камунікацыі[4].
Імаверна, гэта адбылося з прычыны фінансавых праблем кампаніі. Бо паводле гадавой справаздачы, авіякампанія «Гродна» закрыла 2022 год з чыстымі стратамі 100 тыс. рублёў. За год да гэтага сітуацыя была лепшай — страты кампаніі складалі 91 тыс. рублёў.
Флот
правіцьУ 2020 годзе ў кампаніі налічвалася 16 самалётаў: Ан-30, Ан-32, тры Ан-12, а таксама 11 самалётаў Ан-2. У 2021 годзе самалёт Ан-12, які перавозіў прадукты, разбіўся пад Іркуцкам. У 2023 годзе кампанія, з прычыны пазык, прадала ў Расію самалёт Ан-32 і тры самалёты Ан-2. Станам на чэрвень 2023 года ў кампаніі 11 самалётаў: Ан-30, два Ан-12 і восем Ан-2[2].
Дзейнасць
правіцьАкрамя грузавых перавозак кампанія выконвае паветраную здымку і аэрафотаздымку, аглядныя палёты над Аўгустоўскім каналам, Гроднам і яго наваколлем, замкамі ў Лідзе, Навагрудку, Міры і Нясвіжы. Можа выконваць трансферныя рэйсы ў Нацыянальны аэрапорт Мінск. Гродзенская авіякампанія выконвае таксама авіяцыйна-хімічныя работы, прапануе паслугі па дэсантаванні парашутыстаў, лазернага сканавання і сканавання ў ІЧ-спектры[1].
Здарэнні
правіць3 лістапада 2021 года пад горадам Іркуцк самалёт авіякампаніі выконваў грузавы рэйс, ляцеў з Чукоткі транзітам праз Якуцк у Іркуцк. Пры заходзе на пасадку (экіпаж вырашыў пайсці на другі круг) у Іркуцку ён раптоўна знік з радараў. На борце знаходзіліся 7 чалавек. Акрамя трох беларусаў — па 2 грамадзяніна Украіны і Расіі. Расійскія ратавальнікі заявілі, што ўсе загінулі[5].
Крыніцы
правіць- ↑ а б https://hrodna.life/2020/07/13/samolety-grodno/
- ↑ а б https://hrodna.life/2023/07/03/pazyki-avijakampanii/
- ↑ http://www.grodnoavia.com/index.php?option=com_content&view=article&id=11&Itemid=18&lang=ru Архівавана 26 сакавіка 2022.
- ↑ HL. У Гродне больш не будзе ўласнай авіякампаніі. Яе перадалі “Белавія” . Hrodna.life (7 лютага 2024). Праверана 13 лютага 2024.
- ↑ https://euroradio.fm/na-borce-12-yaki-razbiusya-u-rasii-byli-gramadzyane-belarusi На борце Ан-12, які разбіўся ў Расіі, былі трое грамадзян Беларусі