Солы (Смаргонскі раён): Розніца паміж версіямі
{{пераклад|be-x-old|{{subst:Солы}}}} |
(Няма розніцы)
|
Версія ад 19:26, 20 жніўня 2012
Со́лы — аграгарадок у Беларусі, на рацэ Ашмянка. Цэнтр сельсавета Смаргонскага раёна Гродзенскай вобласці. Насельніцтва 1475 чал. (2004). Знаходзяцца за 15 км на захад ад Смаргоні, за 252 км ад Гродна. Чыгуначная станцыя на лініі Маладзечна — Вільня.
Гісторыя
Упершыню Солы згадваюцца ў XVI ст. як сяло Віленскага ваяводства. Мястэчка знаходзілася ў шляхецкай уласнасці.
У выніку трэцяга падзелу Рэчы Паспалітай (1795) Солы апынуліся ў складзе Расійскай імперыі, дзе зрабіліся цэнтрам воласці Ашмянскага павета Віленскай губерні. У 1849 у мястэчку пабудавалі касцёл, з 1870 працавала народнае вучылішча. Станам на 1886 у Солах існавалі валасная ўправа, касцёл, сінагога, 5 крамаў, карчма, вінакурны завод (за 4 км ад мястэчка), на 1890 — пошта, тэлеграф, станцыя Лібава-Роменскай чыгункі (адкрылася ў 1873). У пач. XX ст. ў мястэчку працаваў лекарскі ўчастак.
У канцы 1917 у Солах адбылася падзея, якая прапісала паселішча ў гісторыі: 4 снежня прадстаўнікі 2-й, 3-й і 10-й армій на чале з шараговым Салігаліцкага палка 81-й пяхотнай дывізіі бальшавіком Шчукіным падпісалі замірэнне з немцамі. Баявыя дзеянні на працягу ўсяго фронту ад Відзаў да Прыпяці спыняліся з 5 снежня на два месяцы. Праз 10 дзён — 15 снежня — замірэнне падпісалі ўжо ў Брэсце, надаўшы дагавору шырэйшы статус.
Згодна з Рыжскім мірным дагаворам (1921) Солы апынуліся ў складзе міжваеннай Польскай Рэспублікі, дзе зрабіліся цэнтрам гміны Ашмянскага павета Віленскага ваяводства. Цягам 1926—1934 у мястэчку вялася будова касцёла Маці Божай Ружанцовай. Ахвяраванні на яе склалі паўмільёна злотых, велізарную для таго часу суму.
У 1939 Солы ўвайшлі ў БССР, дзе 12 кастрычніка 1940 зрабіліся цэнтрам сельсавета Смаргонскага раёна. Статус паселішча змянілі да вёскі. На 2000 тут быў 1271 двор.
-
Даўні касцёл
-
Касцёл
-
Рынак
-
Станцыя
Насельніцтва
- XIX стагоддзе: 1882 — 421 чал.[1]; 1886 — 560 чал.
- XX стагоддзе: 1901 — каля 880 чал. у мястэчку Солы і 70 чал. на станцыі Солы; 2000 — 2899 чал.[2]
- XXI стагоддзе: 2004 — 1475 чал.[3]
Турыстычная інфармацыя
Выдатныя мясціны
- Капліца могілкавая
- Касцёл Маці Божай Ружанцовай (1926—1934)
- Могілкі яўрэйскія
- Сядзіба (XVIII—XIX стст.)
Страчаная спадчына
- Касцёл Маці Божай Ружанцовай (XIX ст.)
- Сінагога (XIX ст.)
Крыніцы
Зноскі
- ↑ Soły // Słownik geograficzny Królestwa Polskiego i innych krajów słowiańskich. Tom XI: Sochaczew — Szlubowska Wola (польск.). — Warszawa, 1890. S. 70.
- ↑ Ганна Дулеба. Солы // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — 10 000 экз. — ISBN 985-11-0214-8. С. 387.
- ↑ Шаблон:Літаратура/Памяць/Смаргонскі раён
Літаратура
- Шаблон:Літаратура/Памяць/Смаргонскі раён
- Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — 10 000 экз. — ISBN 985-11-0214-8.
- Soły // Słownik geograficzny Królestwa Polskiego i innych krajów słowiańskich. Tom XI: Sochaczew — Szlubowska Wola (польск.). — Warszawa, 1890. S. 70.
Вонкавыя спасылкі
- На Вікісховішчы ёсць медыяфайлы па тэме Солы (Смаргонскі раён)
- мяст. Солы на Radzima.org
- Фатаздымкі на сайце «Глобус Беларусі»