Алена Мікалаеўна Краткова

Алена Мікалаеўна Краткова (нар. 10 жніўня 1973, в. Карвелі, Астравецкі раён, Гродзенская вобласць) — беларускі ўрач-фтызіятр, арганізатар аховы здароўя. Кандыдат медыцынскіх навук (2006).

Алена Мікалаеўна Краткова
Член Савета Рэспублікі Нацыянальнага сходу Рэспублікі Беларусь 6-га склікання 12 кастрычніка 2016 — 2019
Прэзідэнт	Аляксандр Лукашэнка
Нараджэнне	10 жніўня 1973(1973-08-10) (50 гадоў) Карвелі, Вілейскі раён, Мінская вобласць, БССР, СССР
Адукацыя	Слонімскае медыцынскае вучылішча (1991) Гродзенскі медыцынскі інстытут (1997) ІПКіПКАЗ
Навуковая ступень	кандыдат медыцынскіх навук (2006)
Навуковае званне	дацэнт
Дзейнасць	фтызіятр, медыцынскі адміністратар, урач, галоўны ўрач, галоўны санітарны ўрач
Месца працы	Гродзенскі абласны клінічны цэнтр «Фтызіятрыя»[d] Гродзенская абласная інфекцыйная клінічная бальніца[d] ГрДМУ

Біяграфія

Скончыла ў 1991 годзе Слонімскае медыцынскае вучылішча па спецыяльнасці «сястрынская справа», у 1997 годзе Гродзенскі дзяржаўны медыцынскі інстытут па спецыяльнасці «лячэбна-прафілактычная справа», Беларускую медыцынскую акадэмію паслядыпломнай адукацыі.

Працавала ўрачом-стажорам па тэрапіі тэрытарыяльнага медыцынскага аб’яднання № 2 г. Гродна, участковым урачом-фтызіятрам, выконваючым абавязкі намесніка галоўнага ўрача па лячэбнай рабоце, намеснікам галоўнага ўрача па медыцынскай частцы, галоўным урачом Гродзенскага абласнога клінічнага цэнтра «Фтызіятрыя». З 2009 года галоўны ўрач Гродзенскай абласной інфекцыйнай клінічнай бальніцы.

У 2016—2019 гадах член Савета Рэспублікі Нацыянальнага сходу Рэспублікі Беларусь шостага склікання.

21 верасня 2020 года прызначана на пасаду рэктара Гродзенскага дзяржаўнага медыцынскага ўніверсітэта.

6 снежня 2021 года прызначана першым намеснікам Міністра аховы здароўя Рэспублікі Беларусь

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Старонка на сайце Савета Рэспублікі Нацыянальнага сходу Рэспублікі Беларусь Архівавана 18 жніўня 2020.