Вікіпедыя

Алег Мікалаевіч Зайцаў

У Вікіпедыі ёсць артыкулы пра іншых асоб з прозвішчам Зайцаў.

Алéг Мікалàевіч Зáйцаў (нар. 18 лістапада 1968(1968-11-18), Наваполацк, Віцебская вобласць) — беларускі рускамоўны журналіст, выдавец і літаратар.

Алег Мікалаевіч Зайцаў
Род дзейнасці
выдавец
журналіст
літаратар
публіцыст
Дата нараджэння 18 лістапада 1968(1968-11-18) (55 гадоў)
Месца нараджэння
Грамадзянства
Альма-матар
Сайт Блог Алега Зайцава

Біяграфія правіць

Нарадзіўся ў 1968 годзе ў горадзе Наваполацку Віцебскай вобласці. Служыў у памежных войсках (Чырвоназнамённай сярэднеазіяцкай памежнай акругі) ў Туркменістане на мяжы з Іранам (за добрасумленную службу быў узнагароджаны нагрудным знакам «Выдатнік пагранвойск» II ступені). Літаратурны дэбют адбыўся ў рэспубліканскай газеце «Комсомолец Туркменистана» ў 1987 годзе.

Скончыў факультэт журналістыкі Беларускага дзяржаўнага ўніверсітэта. У 1990 годзе стаў членам літаб’яднання «Полацкая галіна». На пятым курсе ініцыяваў праз дэканат стварэнне паўгадовых літаратурных курсаў. Майстар-клас па вершаскладанні на іх вяла выпускніца Літаратурнага інстытута імя А. М. Горкага, паэтэса і драматург С. П. Бартохава, па мастацкай прозе — доктар філалагічных навук, прафесар, празаік, публіцыст Б. В. Стральцоў, па літаратурнай крытыцы і літаратуразнаўстве — акадэмік, доктар філалагічных навук, прафесар, галоўны навуковы супрацоўнік Інстытута мовы і літаратуры імя Якуба Коласа і Янкі Купалы Нацыянальнай акадэміі навук Беларусі, літаратуразнавец, крытык і пісьменнік У. В. Гніламёдаў. Мае пасведчанне выпускніка курсаў.

З 1994 года па 1996 год А. Зайцаў працаваў карэспандэнтам у газеце Міністэрства ўнутраных спраў Беларусі «На страже». Быў атэставаны ў пасадзе лейтэнанта міліцыі. З 1994 па 2009 гады з’яўляўся намеснікам старшыні Беларускага літаратурнага саюза «Полацкая галіна». З 1996 года — член Беларускага саюза журналістаў.

Журналісцкая дзейнасць правіць

Матэрыялы А. Зайцава як пазаштатнага карэспандэнта перыядычна публікуюцца ў рэспубліканскіх СМІ, такіх як часопісы «Беларуская думка», «Родник», газеты «Советская Белоруссия», «Знамя Юности», «Рэспубліка», «Звязда», «Чырвоная Змена», «Дело №», «Свободные новости плюс» і інш.

У газеце «Знамя Юности» ў 1990 годзе Зайцаў А. М. упершыню дэбютаваў у якасці літаратурнага крытыка з разгорнутай анатацыяй на калектыўны зборнік паэзіі палачан «Сумерки» («Похожие, но разные миры…»).

У свой час Алег Зайцаў браў інтэрв’ю і ў расійскіх зорак эстрады, такіх як Аляксандр Разенбаўм («Я не изменил своим темам и своим убеждениям») і Таццяна Аўсіенка («Надо верить в лучшее») для газеты «Рэспубліка». У журналістыцы выступае таксама пад псеўданімам Мікіта Огнеў.

Выдавецкая дзейнасць правіць

У 1994 годзе ў якасці галоўнага рэдактара газеты «Мужской клуб» выпусціў тры нумары гэтага выдання. З верасня 1996 да чэрвеня 2011 года, з невялікімі перапынкамі, працаваў галоўным рэдактарам газеты «Вестник культуры», друкаванага органа Беллітсаюза «Полацкая галіна».

З 1996 па 2000 гады Зайцаў узначальваў рэдакцыю газеты «Ячменный голос». З 2000 года — заснавальнік і выдавец вытворча-практычнага часопіса «Империя напитков», з 2004 года — вытворча-практычнага часопіса «Молочный продукт», з 2005 года — вытворча-практычнага часопіса «Кумпячок». З 2004 па 2006 гады — галоўны рэдактар і выдавец часопіса «Западная Двина».

Разам з С. Скрыпкай быў сузаснавальнікам часопісаў «Ресторанный бизнес» (праіснаваў да 2008 года), «Молочный продукт», «Бакалейный ряд» (праіснаваў да 2008 года). З 2004 па 2008 гады па сумяшчальніцтве працаваў галоўным рэдактарам Рэдакцыйна-выдавецкай установы «Литература и рынок» (выпускала часопісы «Западная Двина», «Молочный продукт», «Ресторанный бизнес»).

У 2006 годзе кампаньёны разыйшліся і раздзялілі праекты. У Зайцава А. М. ва ўласнасці засталіся часопісы «Империя напитков», «Молочный продукт», «Кумпячок».

З 2000 па 2008 гады — кіраўнік установы «Рэдакцыя газеты „Вестник культуры“». У агульнай складанасці з’яўляецца заснавальнікам, галоўным рэдактарам і выдаўцом дзесяці сродкаў масавай інфармацыі, палова якіх выходзіць і ў цяперашні час.

Маючы ліцэнзію на выданне мастацкай літаратуры, установа «Литературный свет», узначальваная Алегам Зайцавым, за перыяд 2009—2010 гадоў выпусціла шэсць кніг паэзіі, тры кнігі мастацкай прозы і дзве кнігі па літаратуразнаўстве. Частка з іх была выдадзена дзякуючы дабрачыннай дзейнасці самога А. Зайцава.

З 2010 года Зайцаў А. М. зноў узначаліў літаратурна-публіцыстычны часопіс «Западная Двина».

А з ліпеня 2011 года пачаў выпуск уласнай тэматычнай газеты «Слово писателя».

Выданне газет
  • «Мужской клуб», рэспубліканская гендэрная газета — галоўны рэдактар, 1994 год (выпусціў тры нумары)
  • «Вестник культуры», рэспубліканская тэматычная газета — выдавец і галоўны рэдактар у 1996, 2001—2006, 2007, 2010—2011 гады
  • «Ячменный голос», рэспубліканская газета для вытворцаў і спажыўцоў піва — заснавальнік, выдавец і галоўны рэдактар з 1996 па 2000 гады
  • «Кабацкая правда», рэспубліканская газета для сістэмы HoReCa — заснавальнік, выдавец і галоўны рэдактар з 1999 па 2002 гады
  • «Слово писателя», рэспубліканская тэматычная газета — заснавальнік, выдавец і галоўны рэдактар з 2011 года па ц.ч.
Выданне часопісаў
  • «Империя напитков», рэспубліканскі галіновы навуковы, вытворча-практычны часопіс — заснавальнік, выдавец і галоўны рэдактар з 2000 года па ц.ч.
  • «Ресторанный бизнес», рэспубліканскі галіновы вытворча-практычны часопіс — сузаснавальнік, выдавец і галоўны рэдактар з 2003 па 2006 гады
  • «Западная Двина», рэспубліканскі літаратурна-пубіцыстычны часопіс — выдавец і галоўны рэдактар у 2004—2005 гадах, з 2010 года па ц.ч.
  • «Молочный продукт», рэспубліканскі галіновы навуковы, вытворча-практычны часопіс — сузаснавальнік, выдавец і галоўны рэдактар з 2004 года па ц.ч.
  • «Бакалейный ряд», рэспубліканскі галіновы вытворча-практычны часопіс — сузаснавальнік, выдавец і галоўны рэдактар з 2005 па 2007 гады
  • «Кумпячок», рэспубліканскі галіновы навуковы, вытворча-практычны часопіс — сузаснавальнік, выдавец і галоўны рэдактар з 2005 года па ц.ч.

Літаратурная дзейнасць правіць

Арганізаваў у Мінску дзве рэспубліканскія навукова-практычныя канферэнцыі: «Беларуская рускамоўная літаратура ў кантэксце сучаснай беларускай культуры» [1](2004) і «Прафесійны беларускі пісьменнік: міфы і рэальнасць»[2](2006), на якіх таксама выступіў з дакладамі. Удзельнік васьмі калектыўных зборнікаў вершаў, зборніка прозы, чатырох літаратурных альманахаў, дзвюх літаратурных анталогій. У 2010 годзе выйшла трэцяя аўтарская кніга паэзіі А. Зайцава «Координаты смысла»[3]. Да 65-годдзя перамогі ў Вялікай Айчыннай вайне быў апублікаваны расказ «Фабрика безумия»[4].

З 2008 года — дырэктар культурна-асветніцкай установы (выдавецтва) «Литературный свет». З 2009 года — старшыня Беларускага літаратурнага саюза «Полацкая галіна».

Паэзія
  • «Ладья». Коллективный сборник стихов. Полоцк, Наследие Ф. Скорины, 1992.
  • «Полоцкий летописец». Литературный альманах, № 2. Стихи. Полоцк, Наследие Ф. Скорины, 1993 — С.114
  • «Катарсизм». Литературный альманах. Том 1. Стихи. Полоцк, Наследие Ф. Скорины, 1994 — С.140-148
  • «Рифмованные девиации». Первая книга поэзии. Полоцк, Наследие Ф. Скорины, 1994
  • «Наитие». Стихотворения. Вторая книга поэзии. Минск, Славянский путь, 2001 ISBN 985-6592-27-5
  • «Современная русская поэзия Беларуси». Антология. Мн., Технопринт, 2003 — С.76 ISBN 985-464-503-7
  • «Полоцкий альбом». Стихи поэтов Полотчины. СПб, Логос, 2004 — С.41-45 ISBN 5-87288-241-6
  • «Координаты смысла». Стихотворения. Третья книга поэзии. Минск, Литературный свет, 2010 ISBN 978-985-6943-06-8
  • «Новая реальность». Литературный интернет-журнал № 33, 2011. Стихи [1] Архівавана 5 сакавіка 2016.
  • «ЛитЭра» № 6. Литературный альманах. Москва, У Никитских ворот, 2011 — С.58-59 ISBN 978-5-91366-383-2
Драматургія
  • «Подслушанные монологи», одноактная мини-пьеса с эпилогом и прологом. «Рифмованные девиации». Первая книга поэзии. Полоцк, Наследие Ф. Скорины, 1994.
Журналістыка
  • «Кое-что про „это“», статья. Журнал «Родник» № 7, 1990 — С. 30
  • «Если смотреть в корень», интервью с президентом Белорусского экологического союза проф. Б. Савицким. Журнал «Беларуская думка» № 8, август 1993 — С. 27-29
  • «В поисках земли обетованной», статья. Журнал «Белорусская думка» № 7, 1994 — C. 79-82
  • «Литература — удел пенсионеров?», статья. Журнал «Западная Двина» № 2(15), 2010 — С. 189—190

Грамадская дзейнасць правіць

У 1991 годзе Алег Зайцаў узначаліў літаратурнае аб’яднанне «Мысль и слово». У 1993-м — Мінскае літаратурнае аб’яднанне «Полацкая галіна» (газеты «Знамя Юности» № 188(12136), 10.11.1993 года, с.3; «Рэспубліка» № 224(511), 16.11.1993 г., с.3; «Добры вечар» № 65(749), 06.04.1994 г., с. 3). У 1994 годзе, у новай якасці, прымае ўдзел у «круглым стале» пра сучасны стан грамадства, культуры і мастацтва, арганізаваным часопісам «Беларуская думка» (артыкул «Выйсце падкажа час», часопіс «Беларуская думка» № 10, 1994 г.).

Два гады вядзе паэтычную рубрыку «Находка» у газеце МУС «На страже». У 1998—1999 гадах — член журы Рэспубліканскага паэтычнага конкурсу для дзяцей і моладзі «Чароўны ліхтарык», арганізатары — Дзяржаўны камітэт па справах моладзі Рэспублікі Беларусь і рэспубліканская газета «Знамя Юности».

У 1994 годзе выступае ў прэсе з ініцыятывай стварэння рэспубліканскага творчага саюза пісьменнікаў. 18 лістапада, шмат у чым дзякуючы і яго высілкам, у Полацку праходзіць Устаноўчы з’езд Беллітсаюза «Полацкая галіна». Члены саюза тройчы абіраюць яго на пасаду намесніка старшыні дадзенай арганізацыі. А з лістапада 2009 года Зайцаў становіцца на чале пісьменніцкага саюза.

У 2003, 2005 гадах — старшыня, а з 2007 года — пастаянны член журы Міжрэгіянальнага літаратурнага конкурсу «Паэт-Артыст».

У 2006—2007 гадах неаднаразова выступае як пісьменнік і выдавец у цыкле сустрэчаў на тэлеперадачы «Паэты за круглым сталом» Полацкага кабельнага тэлеканала «Скіф-Полацк», які вёў паэт Аляксандр Раткевіч.

У красавіку 2007 года прымае ўдзел з дакладам «Досвед узаемадзеяння творчых саюзаў і бізнес-супольнасці на прыкладзе Беллітсаюза „Полацкая галіна“» ў Міжнароднай канферэнцыі «Культура і прадпрымальніцтва ў сучасным свеце».

З 2010 года з’яўляецца пастаянным членам журы Міжнароднага фестывалю літаратуры і культуры «Славянскія традыцыі»[5], у рамках якога пасябраваў і падтрымлівае цесныя творчыя кантакты са Станіславам Айдынянам і актывам Паўднёварускага саюза пісьменнікаў на чале з паэтам Сяргеем Главацкім, а таксама пісьменнікамі Аляксандрам Каржом, Уладзімірам Спектарам, Валерыем Басыравым, Львом Рабчыкавым, Ірынай Сілецкай, Вольгай Ільніцкай, Ільёй Рэйдэрманам і іншымі.

Інтэрв’ю з Зайцавым апублікаваны ў часопісах «Женский журнал» [6], «Западная Двина», газетах «Знамя Юности», «Бердянск Деловой» (Украіна), «Беларуская маладзёжная» і інш.

Біяграфія Зайцава размешчана ў энцыклапедыях: «КТО есть КТО в Республике Беларусь. Люди дела» (Мн., Энциклопедикс, 1999 — С. 193—194) і «Деловой мир СНГ», том 1 (Мн., Энциклопедикс, 2001 — С. 79-80).

Масмедыя пра аўтара і яго творчасць правіць

  • «„Блузки для Джульетт“, или поэты не от топора». О. Бородач. Газета «Знамя Юности» № 93(12265), 31.05.1994 — С. 3
  • «Стоит ли рифмовать девиации?». Г. Сумароков. Газета «Бездельник» № 2, 30.01-05.02.1995 — С. 20 (о книге поэзии «Рифмованные девиации»)
  • «Каин без раскаянья». О. Бородач. Газета «Знамя Юности» № 158(12330), 15.09.1994 — С. 3 (о книге поэзии «Рифмованные девиации»)
  • «Поэты „Полоцкой ветви“». проф. Е. Зачевский. Журнал «Западная Двина» № 2(5), 2005 — С.182-192
  • Интервью: «Под сенью „Полоцкой ветви“». Журнал «Западная Двина» № 3, 2004 — С. 188—192
  • Олег Зайцев: «Чтобы провести с женщиной всю жизнь, одной любви недостаточно». А. Занковец. Журнал «Женский журнал» № 3, 2007 — С. 22-25
  • «Олег Зайцев — больше, чем поэт». А. Занковец. Газета «Знамя Юности» № 6(14314), 09.02.2007 — С. 10
  • «Белорусский литератор Олег Зайцев: „Моя задача — оставить свой след на земле“». А. Дударев. Газета «Бердянск Деловой» № 55(907), 31.07.2008 — С. 13
  • «У поэта юбилей». Н. Василевский. Газета «Свободные новости плюс» № 3(294), 21-28.01.2009 — С. 12
  • «„Координаты смысла“ составляют сильные стихи». А. Раткевич. Газета «Вестник культуры» № 4(58), 2010 — С. 4
  • «На пороге эпохи…». А. Раткевич. Газета «Московский литератор» № 7(271), апрель 2011 — С. 6
  • В поисках смысла. Платон Беседин
  • «Не гнётся „Полоцкая ветвь“». Газета «Общеписательская литературная газета» № 7(20), июль 2011 — С. 4-5
  • «„Полоцкая ветвь“ растёт». Газета «Литературная газета» № 49(6449), 7-13.12.11 — С.6

Крыніцы правіць

  1. ↑ Проблемы русскоязычной литературы Беларуси обсуждались на двухдневной конференции в Минске. Архівавана з першакрыніцы 18 верасня 2012.
  2. ↑ Анатолий Мозгов Писатели сдавали «экзамен» на профессионализм // Вестник культуры : газета. — Минск: Редакция газеты «Вестник культуры», 2006. — В. сентябрь 2006. — № 9. — С. 4.(недаступная спасылка)
  3. ↑ Русская Америка независимая газета(недаступная спасылка). Архівавана з першакрыніцы 25 жніўня 2012. Праверана 27 лістапада 2011.
  4. ↑ «Слово писателя» набирает силу. Архівавана з першакрыніцы 8 мая 2014. Праверана 4 снежня 2011.
  5. ↑ Белорусы заняли третьи места в Международном фестивале литературы и культуры «Славянские традиции — 2011» (6 верасня 2011). Архівавана з першакрыніцы 4 сакавіка 2016. Праверана 28 чэрвеня 2022.
  6. ↑ Алёна Занковец Олег Зайцев: «Чтобы провести с женщиной всю жизнь, одной любви недостаточно» // Женский журнал : журнал. — Минск: Женский журнал, 2007. — В. март 2007. — № 3. — С. 22—25. Архівавана з першакрыніцы 24 лістапада 2011.

Спасылкі правіць

Узята з "https://be.wikipedia.org/w/index.php?title=Алег_Мікалаевіч_Зайцаў&oldid=4579493"