Аляксандр Аляксандравіч Кеда

Аляксандр Аляксандравіч Кеда (нар. 30 лістапада 1956, в. Турэц, Карэліцкі раён, Гродзенская вобласць) — беларускі оперны спявак (бас). Заслужаны артыст Рэспублікі Беларусь (2003).

Аляксандр Аляксандравіч Кеда
Аляксандр Кеда ў партыі Дубатоўка.
Род дзейнасці	спявак
Дата нараджэння	30 лістапада 1956(1956-11-30) (67 гадоў)
Месца нараджэння	Турэц, Турэцкі сельсавет, Мірскі раён, Гродзенская вобласць, БССР, СССР
Грамадзянства	СССР
Месца працы	Нацыянальны акадэмічны Вялікі тэатр оперы і балета Рэспублікі Беларусь
Альма-матар	Беларуская дзяржаўная кансерваторыя імя А. В. Луначарскага (1980)
Узнагароды і прэміі	Спецыяльная прэмія Прэзідэнта Рэспублікі Беларусь дзеячам культуры і мастацтва

Жыццё і творчасць

Скончыў Беларускую дзяржаўную кансерваторыю (1980, клас дацэнта С. Асколкава). З 1980 года — саліст Нацыянальнага акадэмічнага тэатра оперы і балета Рэспублікі Беларусь.

Сярод партый:

• Чужапанак — «Чужое багацце нікому не служыць» Я. Д. Голанда
• Воланд — «Майстар і Маргарыта» Я. Глебава
• Дубатоўк — «Дзікае паляванне караля Стаха» У. Солтана
• Князь Раман — «Князь Наваградскі» А. Бандарэнкі
• Святар — «Матухна Кураж» С. Картэса
• Здань — «Таямніца старога замка» У. Кандрусевіча
• Чэлаэк — «Сіняя Барада і ягоныя жонкі» В. Капыцько
• Канчак — «Князь Ігар» А. Барадзіна
• Пімен — «Барыс Гадуноў» М. Мусаргскага
• Прыстаў — «Барыс Гадуноў» М. Мусаргскага
• Князь Хаванскі — «Хаваншчына» М. Мусаргскага
• Грэмін — «Яўген Анегін» П. Чайкоўскага
• Кароль Рэнэ — «Іаланта» П. Чайкоўскага
• Сурын — «Пікавая дама» П. Чайкоўскага
• Сабакін — «Царская нявеста» М. Рымскага-Корсакава
• Барыс Цімафеевіч — «Лэдзі Макбет Мцэнскага павета» Д. Шастаковіча
• Намеснік — «Горад майстроў» Г. Гладкова
• Мядзведзь — «Церам-церамок» І. Польскага і інш.
• Лепарэла — «Дон Жуан» В. А. Моцарта
• Мазета — «Дон Жуан» В. А. Моцарта
• Папагена — «Чарадзейная флейта» В. А. Моцарта
• Зарастра — «Чарадзейная флейта» В. А. Моцарта
• Дон Бартала — «Севільскі цырульнік» Дж. Расіні
• Крэспель — «Казкі Гофмана» Ж. Афенбаха
• Цуніга — «Кармэн» Ж. Бізэ
• Феранда — «Трубадур» Дж. Вердзі
• Рамфіс — «Аіда» Дж. Вердзі
• Цар Егіпта — «Аіда» Дж. Вердзі
• Касцельны служка — «Тоска» Дж. Пучыні
• Бенуа — «Багема» Дж. Пучыні
• Альцындор — «Багема» Дж. Пучыні
• Бэта дзі Сінья — «Джані Скікі» Дж. Пучыні

З трупай тэатра гастраляваў у Германіі, Іспаніі, Італіі, Польшчы, Партугаліі, Швейцарыі, Тайландзе.

Званні, узнагароды і прэміі

• Лаўрэат Рэспубліканскага конкурсу музыкантаў-выканаўцаў (1980)
• Заслужаны артыст Рэспублікі Беларусь (2003)
• Лаўрэат Спецыяльнай прэміі Прэзідэнта Рэспублікі Беларусь дзеячам культуры і мастацтва за вялікі асабісты ўклад у адраджэнне старадаўняй беларускай музыкі — выкананне партыі Чужапанка ў оперы Я. Д. Голанда «Чужое багацце нікому не служыць».

Ацэнка творчасці

Паводле водгукаў крытыкі, валодае прыгожым моцным голасам яркага тэмбру, вялікім сцэнічным абаяннем і тэмпераментам. Схільны да руплівай працы над вобразам, што асабліва выразна праяўляецца ў выяўленні нюансаў характараў. Артыстызм спевака знайшоў найбольшае раскрыццё ў партыях глыбока нацыянальных (Дубатоўк). Валодае разнастайным оперным і камерным рэпертуарам.

Літаратура

• Ракава А. Кеда // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).