Сяргей Альбертавіч Картэс

Сярге́й Альбе́ртавіч Картэ́с (18 лютага 1935(1935-02-18), Сан-Антоніа, вобласць Вальпараіса^[d] — 26 чэрвеня 2016(2016-06-26), Мінск) — беларускі кампазітар, кінакампазітар. Заслужаны дзеяч мастацтваў БССР (1980).

Сяргей Альбертавіч Картэс
Асноўная інфармацыя
Дата нараджэння	18 лютага 1935(1935-02-18)
Месца нараджэння	Сан-Антоніа, камуна Сан-Антоніа[d], правінцыя Сан-Антоніа[d], вобласць Вальпараіса[d], Чылі
Дата смерці	26 чэрвеня 2016(2016-06-26) (81 год)
Месца смерці	Мінск, Беларусь
Краіна	Беларусь  СССР
Альма-матар	Беларуская дзяржаўная акадэмія музыкі
Месца працы	Нацыянальны акадэмічны Вялікі тэатр оперы і балета Рэспублікі Беларусь Беларусьфільм Нацыянальны акадэмічны тэатр імя Янкі Купалы
Музычная дзейнасць
Прафесіі	кампазітар, кінакампазітар
Прэміі
Узнагароды
Цытаты ў Вікіцытатніку

Біяграфія

Нарадзіўся 18 лютага 1935 года ў Сан-Антоніа, Чылі. У 1920-я гады сям’я маці С. А. Картэса эмігравала з Расіі ў Чылі. Бацька С. А. Картэса — чыліец. Першыя 20 гадоў жыцця правёў у Аргенціне, вучыўся музыцы ў Буэнас-Айрэсе. У 1947 годзе сям’я падала прашэнне аб савецкім грамадзянстве. Прыезд у СССР стаў магчымым у 1955 годзе. Месцам пражывання быў вызначаны Мінск.

Скончыў у 1962 годзе Беларускую кансерваторыю. З 1966 года — загадчык музычнай часткі Беларускага тэатра імя Я.Купалы. З 1972 года музычны рэдактар, галоўны музычны рэдактар кінастудыі «Беларусьфільм».

З 1991 года мастацкі кіраўнік опернай трупы ў Дзяржаўным тэатры оперы і балета Беларусі. У 1996 годзе установа была падзелена на два самастойныя тэатры: оперы і балета. Картэс узначаліў першы з іх і на працягу 1996—2002 гадоў з’яўляўся мастацкім кіраўніком-дырэктарам Нацыянальнага тэатра оперы Рэспублікі Беларусь. З асобай Картэса звязана адкрыццё беларускага опернага мастацтва для еўрапейскай публікі.

Творы

• оперы «Джардана Бруна» (1977), «Матухна Кураж» (1987), «Візіт старой дамы» (1987), «Мядзведзь», «Юбілей»
• балет «Апошні інка» (1990)
• араторыя «Памяці паэта» на словы Янкі Купалы
• сюіты «Казка», «Кантрасты»
• канцэрт для фартэпіяна з аркестрам «Капрычас»
• харэаграфічныя мініяцюры «Першыя чайкі», «В’етнам»
• вакальныя цыклы на вершы А. Вярцінскага, М. Танка, У. Шэкспіра, Ф. Гарсія-Лоркі

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).
• Картэ́с Сяргей Альбертавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 374. — 800 с. — 5 000 экз. — ISBN 985-11-0026-9.
• Музыкальная энциклопедия / Под ред. Ю. В. Келдыша. — М.: Советская энциклопедия, Советский композитор, 1973—1982. (руск.)

Спасылкі

• Аўдыёзапісы опер С. Картэса
• Картэс Сяргей Альбертавіч на сайце анлайн-энцыклапедыі «Беларусь у асобах і падзеях»
• К юбилею мастера: Сергей Альбертович Кортес (руск.) // Вялікі тэатр Беларусі