Анатоль Мікалаевіч Сердзюкоў

Анатоль Мікалаевіч Сердзюкоў (нар. 15 мая 1944, п. Герой, Буда-Кашалёўскі раён, Гомельская вобласць) — беларускі фізік-тэарэтык. Член-карэспандэнт Нацыянальнай акадэміі навук Беларусі (1996), доктар фізіка-матэматычных навук (1987), прафесар (1988).

Анатоль Мікалаевіч Сердзюкоў
Дата нараджэння	15 мая 1944(1944-05-15) (80 гадоў)
Месца нараджэння	Герой, Сталінскі сельсавет, Уваравіцкі раён, Гомельская вобласць, БССР, СССР
Грамадзянства	Беларусь
Род дзейнасці	фізік, выкладчык універсітэта
Месца працы	Гомельскі дзяржаўны ўніверсітэт імя Францыска Скарыны Інстытут фізікі імя Б. І. Сцяпанава НАН Беларусі
Навуковая ступень	доктар фізіка-матэматычных навук (1987)
Навуковае званне	член-карэспандэнт НАН Беларусі (1996) прафесар (1988)
Альма-матар	Гомельскі педагагічны інстытут імя В. П. Чкалава (1965)
Навуковы кіраўнік	Фёдар Іванавіч Фёдараў
Прэміі	прэмія Нацыянальнай акадэміі навук Беларусі (2007)
Узнагароды

Біяграфія

Скончыў Гомельскі дзяржаўны педагагічны інстытут (1965).

У 1968—1973 гадах — старшы інжынер-канструктар, малодшы навуковы супрацоўнік Інстытута фізікі АН БССР. З 1973 гадах старшы выкладчык, дацэнт, старшы навуковы супрацоўнік, у 1979—1990 гадах і ў 1998—2003 гадах загадчык кафедры, у 1990—1997 гадах — прарэктар па навуковай рабоце Гомельскага дзяржаўнага ўніверсітэта імя Ф. Скарыны.

Навуковая дзейнасць

Навуковыя даследаванні ў галіне тэарэтычнай фізікі. Працы прысвечаны праблемам электрадынамікі і акустыкі кіральных асяроддзяў. У яго даследаваннях ліквідаваны супярэчнасці ранейшых тэорый натуральнай гіратрапіі, якія развіваліся многімі вядомымі фізікамі мінулага і цяперашняга стагоддзяў, дасягнута ўзгадненне электрадынамічных матэрыяльных ураўнанняў з межавымі ўмовамі і законамі захавання, а таксама ўстаноўлена ўзаемасувязь паміж рознымі спосабамі фенаменалагічнага апісання гіратрапіі. Пабудаваў самасагласаваную тэорыю выпраменьвання, распаўсюджвання, адлюстравання, паглынання, рассейвання і нелінейнага ўзаемадзеяння хваль у кіральных асяроддзях. Выканаў цыкл работ па тэарэтычнаму вывучэнню пругкіх хваль у кіральных асяроддзях. Прадказаў эфект і пабудаваў тэорыю акустычнага і кругавога дыхраізма, сфармуляваў законы захавання для гукавых хваль з улікам частотнай і прасторавай дысперсіі, вырашыў многія задачы фотаакустыкі.

Аўтар больш за 150 навуковых прац, у т.л. 8 вынаходстваў і навучальнага дапаможніка.

Бібліяграфія

• Волновые процессы в гиротропных средах: дис…. д-ра физ.-мат. наук. Гомель, 1985.
• Основы теоретической кристаллооптики: (учеб. пособие). Гомель: [б. и.], 1987. (совм. с Б. В. Бокутем).
• Фотоакустическая спектроскопия гиротропных слоистых образцов // Журнал прикладной спектроскопии 1990. Т. 53, № 4.
• Фотоакустическая спектроскопия холестирических жидких кристаллов. Область брэговского отражения // Оптика и спектроскопия. 1992. Т. 72, № 2.
• Photoacustic spectroscopy of magnetoactive layers structures // Ceramics 47. Polish Ceramic Bulletin. 1995. № 9.
• Калибровочная теория скалярного гравитационного. Гомель: ГГУ им. Ф. Скорины, 2005.
• Электромагнитные волны в среде с коррелированной неоднородностью диэлектрической и магнитной проницаемостей // Журнал прикладной спектроскопии. 2014. Т. 81, № 1. С. 81-87. (совм. с А. Н. Егоровым, М. А. Сердюковой).

Узнагароды

• Прэмія імя акадэміка Ф. І. Фёдарава Нацыянальнай акадэміі навук Беларусі (2007),
• медаль «За працоўныя заслугі» (2020).

Літаратура

• Балсун А. І. Сердзюко́ў Анатоль Мікалаевіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 349—350. — 10 000 экз. — ISBN 985-11-0035-8. — ISBN 985-11-0238-5 (т. 14).
• Сердюко́в Анатолий Николаевич (руск.) // Часопіс «Изобретатель». № 4 (196) 2016. — С. 43.

Спасылкі

• Сердзюкоў Анатолій Мікалаевіч, доктар фізіка-матэматычных навук, фізіка на сайце анлайн-энцыклапедыі «Беларусь у асобах і падзеях»
• Сердзюкоў Анатоль Мікалаевіч на сайце анлайн-энцыклапедыі «Беларусь у асобах і падзеях»
• Анатоль Мікалаевіч Сердзюкоў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)