Анатоль Фёдаравіч Мяснікоў

Анатоль Фёдаравіч Мяснікоў (15 ліпеня 1950, в. Шмідзельшчына, Талачынскі раён, Віцебская вобласць — 21 красавіка 2011) — беларускі гісторык і публіцыст. Кандыдат гістарычных навук (1987).

Анатоль Фёдаравіч Мяснікоў
Дата нараджэння	15 ліпеня 1950(1950-07-15)
Месца нараджэння	Шмідзельшчына, Серкавіцкі сельсавет, Талачынскі раён, Віцебская вобласць, БССР, СССР
Дата смерці	21 красавіка 2011(2011-04-21) (60 гадоў)
Грамадзянства	Беларусь
Род дзейнасці	гісторык, літаратар, публіцыст
Месца працы	Інстытут парламентарызму і прадпрымальніцтва Чырвоная змена Звязда
Альма-матар	БДУ (1972)
Член у	Саюз беларускіх пісьменнікаў
Прэміі	Залаты купідон

Біяграфія

Скончыў Беларускі дзяржаўны ўніверсітэт (1972). Працаваў у газетах «Чырвоная змена», «Звязда» (з 1978 года).

З 1995 года — прэс-сакратар Старшыні Вярхоўнага Савета Рэспублікі Беларусь. У 1996—1999 гадах працаваў галоўным рэдактарам часопіса «Гуманітарна-эканамічны веснік».

З 1976 года — член Саюза журналістаў рэспублікі, з 2001 года — член Саюза беларускіх пісьменнікаў.

З 2007 года — загадчык кафедры Інстытута парламентарызму і прадпрымальніцтва.

Навуковая дзейнасць

Даследаваў гісторыю Беларусі XIX—XX стст., праблемы беларускай журналістыкі і міжнацыянальных адносін у Рэспубліцы Беларусь.

Аўтар кніг: «Сацыялістычнае спаборніцтва і друк Беларусі» (1980), «Айчыне адданыя сыны: гістарычныя нарысы» (1997), «Дзеля гэтага варта жыць: публіцыстыка, дыялогі, эсэ» (2000), «Гісторыя Беларусі: ад старажытнасці да нашых дзён» (2004), «Вялікая Айчынная вайна савецкага народа (у кантэксце Другой сусветнай вайны)» (2005), «Талент быць чалавекам» (2005, сумесна з Г. І. Авсянкінай), «Сто асоб беларускай гісторыі» (2-е выд., 2009), «Сто асоб беларускага спорту» (2009; у 2010 годзе атрымаў Рэспубліканскую прэмію «Залаты купідон»), дакументальных аповесцей і нарысаў пра Я. А. Адамовіча, А. Л. Бурбіса, Д. Ф. Прышчэпава, А. А. Смоліча, І. П. Убарэвіча, М. С. Чарота, А. Г. Чарвякова і інш.

Узнагароды

• Дзяржаўная прэмія Рэспублікі Беларусь у галіне літаратуры, мастацтва і архітэктуры (1994) за кнігу «Нацдэмы: лёс і трагедыя Фабіяна Шантыра, Усевалада Ігнатоўскага і Язэпа Лёсіка» (1993).
• Рэспубліканская прэмія «Залаты Купідон» (2010).

Літаратура

• Давідовіч, В. В. Мяснікоў Анатоль Фёдаравіч / В. В. Давідовіч // Культура Беларусі : энцыклапедыя : [у 6 т.] / рэдкал.: У. У. Андрыевіч [і інш.]. — Мінск : БелЭн імя П. Броўкі, 2015. — Т. 6 : М-Я. — С. 22.
• Карніловіч, Э. Пароднены з газетай «Звязда» / Э. Карніловіч // Наша Талачыншчына. — 2013. — 18 верас. — С. 7.
• Марціновіч, А. Каб менела ў гісторыі загадак / А. Марціновіч // Літаратура і мастацтва. — 2011. — 27 мая. — С. 22.
• Мясников Анатолий Фёдорович // Регионы Беларуси : энциклопедия : в 7 т. / редкол.: Т. В. Белова [и др.]. — Минск : БелЭн імя П. Броўкі, 2011. — Т. 2 : Витебская область : в 2 кн. — Кн. 2. — С. 153.
• Мясников Анатолий Фёдорович // Республика Беларусь: Энциклопедия в 7 т. Т. 5.: Минск — Педиатрия / редкол. Г. П. Пашков и др. — Минск: БелЭн, 2007. — 752 с.: ил. — ISBN 978-985-11-0398-6.  — С. 282.
• Мяснікоў Анатоль Фёдаравіч // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — С. 431. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).
• Публицист, краевед, исследователь // Моя Толочинщина: страницы истории / А. Шнейдер. — 2-е изд, с изм. — Минск : Бизнесофсет, 2006. — С. 136—137.
• Шнэйдар, А. Заўсёды ў пошуку / А. Шнэйдар // Наша Талачыншчына. — 2004. — 11 жн. — С. 2.