Андронік V Палеалог

Андронік V Палеалог (грэч. Ανδρόνικος Ε 'Παλαιολόγος; 1400—1407) — імператар-суправіцель Візантыйскай імперыі са сваім бацькам Іаанам VII Палеалогам, які ў сваю чаргу таксама з'яўляўся намінальным суправіцелем Мануіла II.

Андронік V Палеалог
грэч. Ανδρόνικος Ε 'Παλαιολόγος
Імператар-суправіцель Візантыі 1403—1407 года
Нараджэнне	1400(1400) Канстанцінопаль, Візантыя
Смерць	1407(1407) Салонікі, Візантыя
Род	Палеалогі
Бацька	Іаан VII Палеалог
Маці	Ірэна Гатылузіа
Дзейнасць	кіраўнік

Андронік V Палеалог быў адзіным вядомым сынам Іаана VII Палеалога і Ірэны (Ірыны) Гатылузіа, дачкі архонта в. Лесбас Франчэска Гатылузіа.

У час знаходжання бацькі ў Фесалоніках у 1403/1404 быў абвешчаны суправіцелем пад імем Андроніка V Палеалога. Андронік памёр хутчэй за свайго бацьку ў 1407 годзе ва ўзросце 7 гадоў.

Варта адзначыць, што яго імператарскі статус, як і яго бацькі, быў чыста ганаровага характару.

Літаратура

• Oxford Dictionary of Byzantium. — Oxford University Press, 1991.
• N. Oikonomides. John VII Palaeologus and the Ivory Pyxis at Dumbarton Oaks. — DOP 31 (1977).