Антанова (Шацкі сельсавет)

Антано́ва (трансліт.: Antanova, руск.: Антоново) — вёска ў Пухавіцкім раёне Мінскай вобласці. Уваходзіць у склад Шацкага сельсавета.

Вёска Антанова Краіна Беларусь Вобласць Мінская Раён Пухавіцкі Сельсавет Шацкі Каардынаты 53°21′05,40″ пн. ш. 27°44′37,90″ у. д. Насельніцтва 14 чалавек (2009) Часавы пояс UTC+3 Тэлефонны код +375 1713 Аўтамабільны код 5 СААТА 6244820001 Антанова на карце Беларусі ±

Геаграфія

Знаходзіцца за 40 км на паўднёвы захад ад раённага цэнтра, 37 км ад чыгуначнай станцыі Рудзенск на лініі Мінск - Асіповічы.

Назва

Назва ўтворана ад уласнага імя Антон.

Гісторыя

Пад уладай Расійскай імперыі

На пачатку XX ст. пасяленне ўяўляла сабой маёнтак Антонава Шацкай воласці Ігуменскага павета Мінскай губерні.

Найноўшы час

У Першую сусветную вайну ў лютым — снежні 1918 года была пад акупацыяй войскаў кайзераўскай Германіі.

25 сакавіка 1918 года згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

У пачатку 1930-ых гг. створаны калгас "Чырвонае Антанова". Працавала кузня.

У канцы чэрвеня 1941 года вёска акупаваная нямецкімі войскамі. У ліпеня 1944 года вёска вызваленая.

Да 28 мая 2013 года вёска ўваходзіла ў склад Вецярэвіцкага сельсавета.

Насельніцтва

• пачатак XX ст. — 2 двары, 31 жыхар.
• 1 студзеня 2002 — 13 двароў, 32 жыхары.
• 2009 год — 14 жыхароў.

Літаратура

• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А.Прановіч; рэдкалегія: А. М. Карлюкевіч і інш.]. - Мінск : Беларусь, 2003. - 748 с. - 3000 экз. ISBN 985-01-0251-9
• Гарады і вёскі Беларусі: Энцыклапедыя ў 15 тамах. Т.8 Мінская вобласць. Кн.4 / рэдкал.: Т. У. Бялова (дырэктар) і інш. — Мн.: БелЭн, 2013. — 528 с. :іл. ISBN 978-985-11-0735-9.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх