Антон Генадзевіч Новік

беларускі футбаліст

Антон Новік (нар. 23 ліпеня 1998, Ждановічы) — беларускі футбаліст, нападнік мар’інагорскай «Вікторыі».

Футбол
Антон Новік
Поўнае імя Антон Генадзевіч Новік
Нарадзіўся 23 ліпеня 1998(1998-07-23)[1] (25 гадоў)
Грамадзянства  Беларусь
Рост 177 см
Вага 72 кг[2]
Пазіцыя паўабаронца, нападнік
Інфармацыя пра клуб
Клуб Беларусь Вікторыя
Клубная кар’ера[* 1]
2016—2019 Беларусь Мінск 4 (0)
2018   Беларусь ЮАС (Жыткавічы) 23 (3)
2019 Беларусь Нафтан (Наваполацк) 4 (0)
2020 Беларусь Белшына (Бабруйск) 2 (0)
2020 Беларусь Смаргонь 11 (0)
2021— Беларусь Вікторыя (Мар’іна Горка) 2 (1)
Нацыянальная зборная[* 2]
2018 Беларусь Беларусь (да 21) 2 (0)
  1. Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 30 мая 2021.
  2. Колькасць гульняў і галоў за нацыянальную зборную ў афіцыйных матчах, адкарэктавана станам на 17 лістапада 2018

Клубная кар’ера правіць

Выхаванец СДЮШАР футбольнага клуба «Мінск», з 2016 года пачаў выступаць за дубль клуба і неўзабаве замацаваўся ў складзе.

15 чэрвеня 2017 года дэбютаваў у Вышэйшай лізе ў гасцявым матчы супраць гродзенскага «Нёмана» (1:3), выйшаўшы на замену ў другім тайме. Да канца сезона 2017 згуляў яшчэ ў двух матчах за асноўную каманду, выходзячы на замену.

У сакавіку 2018 года быў арандаваны жыткавіцкім ЮАС[3], у складзе якога неўзабаве замацаваўся ў якасці трывалага іграка асновы. У студзені 2019 года пакінуў ЮАС[4].

У лютым 2019 года падоўжыў кантракт з «Мінскам»[5]. Зноў стаў выступаць за дубль мінчан, толькі ў адным матчы Вышэйшай лігі выйшаў на замену. У жніўні 2019 года перабраўся ў наваполацкі «Нафтан», дзе згуляў толькі ў чатырох матчах.

У пачатку 2020 года праходзіў прагляд у бабруйскай «Белшыне» і ў сакавіку афіцыйна стаў іграком каманды. Гуляў пераважна за дубль, зрэдку прыцягваўся да асноўнай каманды, дзе выхадзіў на замену. У ліпені 2020 года пакінуў бабруйскі клуб[6] і неўзабаве далучыўся да «Смаргоні»[7], дзе гуляў да канца сезона.

З пачатку 2021 года стаў выступаць у Другой лізе за мар’інагорскую «Вікторыю».

Міжнародная кар’ера правіць

14 лістапада 2018 года дэбютаваў у моладзевай зборнай Беларусі, выйшаўшы на поле ў канцы таварыскага матча супраць Харватыі (1:3). 16 лістапада таго ж года ў наступным таварыскім матчы з харватамі выйшаў ужо ў стартавым складзе, але пазней у зборную больш не прыцягваўся.

Статыстыка выступленняў правіць

Сезон Дывізіён Клуб Краіна Матчы Галы
2016 дубль Мінск   11 1
2017 Д1 Мінск   3 0
2018 Д2 ЮАС   23 3
2019 (1) Д1 Мінск   1 0
2019 (2) Д2 Нафтан   4 0
2020 (1) Д1 Белшына   2 0
2020 (2) Д2 Смаргонь   11 0

Грамадзянская пазіцыя правіць

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі[8].

Зноскі