Анісімавічы (Баранавіцкі раён)

Ані́сімавічы (трансліт.: Anisimavičy, руск.: Анисимовичи) — былая вёска ў Баранавіцкім раёне Брэсцкай вобласці. Уваходзіла ў склад Каўпеніцкага сельсавета. Размяшчалася за 3 км на поўнач ад Баранавіч. Насельніцтва 206 жыхароў, 92 гаспадаркі (2005).

Вёска Анісімавічы Краіна Беларусь Вобласць Брэсцкая Раён Баранавіцкі Сельсавет Каўпеніцкі Каардынаты 53°08′49″ пн. ш. 25°59′00″ у. д. Насельніцтва ▼188 чал. (2009) СААТА 1204826006 Анісімавічы на карце Беларусі ±

Гісторыя

У 1897 годзе ў Навамышскай воласці Навагрудскага павета Мінскай губерні.

З 1921 года ў складзе Польшчы, у Навамышскай гміне Баранавіцкага павета Навагрудскага ваяводства.

З 1939 года ў БССР. З 15 студзеня 1940 года ў Навамышскім раёне Баранавіцкай, з 8 студзеня 1954 года Брэсцкай абласцей, з 8 красавіка 1957 года ў Баранавіцкім раёне.

У Вялікую Айчынную вайну з чэрвеня 1941 года да 8 ліпеня 1944 года вёска акупіравана нямецка-фашысцкімі захопнікамі. На франтах вайны загінула 4 вяскоўцы. Паводле перапісу 1959 годзе 196, 1970 года 246 жыхароў.

У 1998 годзе працаваў магазін. Вёска была скасавана ў 2012 годзе. Тэрыторыя вёскі ўвайшла ў гарадскую рысу Баранавічаў.

Насельніцтва

• XIX стагоддзе:
  • 1880 — 200 жыхароў.
  • 1897 — 449 жыхароў, 39 двароў.
• XX стагоддзе:
  • 1921 — 311 жыхароў, 56 двароў.
  • 1959 — 196 жыхароў.
  • 1970 — 246 жыхароў.
  • 1998 — 66 двароў, 189 жыхароў.
• XXI стагоддзе:
  • 2005 — 206 жыхароў, 92 гаспадаркі.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх