Аперацыя Эламі (англ.: Operation Ellamy) — ваенная аперацыя Узброеных сіл Вялікабрытаніі супраць Лівіі, якая праходзіла ў рамках замежнай інтэрвенцыі ў гэтую краіну. Удзел Вялікабрытаніі, як і астатніх краін НАТА, у лівійскім канфлікце быў абгрунтаваны імкненнем абараніць мірнае насельніцтва, не дапусціўшы новых ахвяр сярод яго. Таксама мэтай ставілася падтрымка паўстанцкіх сіл у барацьбе з урадам Кадафі. Уся інтэрвенцыя праходзіла з адабрэння ААН.
Марская група: фрэгат HMS Westminster (F237), фрэгат HMS Cumberland (F85), падлодка HMS Triumph (S93).
Базы: RAF Akrotiri, RAF Marham, RAF Lossiemouth, RAF Coningsby, RAF Fairford, RAF Lakenheath, RAF Mildenhall (апошнія тры выкарыстоўваліся амерыканскімі ВПС).
Іншыя сілы: 4 сакавіка2011 года ў раёне горада Хандра (за 20 міль на захад ад Бенгазі) былі затрыманы 8 брытанскіх спецназаўцаў SAS, якія мелі пры сабе зброю і абсталяванне для шпіянажу[6]; пасля перамоваў, яны былі вывезены з краіны на борце карабля HMS «Humberland»[7]. Акрамя таго, па звестках The Daily Telegraph, яшчэ да пачатку бітвы за Трыпалі да наземнай аперацыі падключыўся SAS[8][9]. Брытанскія вайскоўцы і супрацоўнікі MI-6 дапамагалі лівійскім паўстанцам у планаванні і падрыхтоўцы штурму Трыпалі[10].
19 сакавіка: брытанскія самалёты з авіябазы RAF Marham[11] і RAF Akrotiri[12] здзейснілі першыя ўдары па вайсковых урадавых аб’ектах у Лівіі. Адна з брытанскіх падлодак выпусціла некалькі ракет «Тамагаўк» па лівійскіх сістэмах СПА[13]. Была атакавана Місурата[14].
20 сакавіка: брытанскія ВПС разам з амерыканскімі і французскімі сіламі здзейснілі шэраг авіябамбардзіровак такіх гарадоў, як Адждабія[15] і Бенгазі[16][17], знішчыўшы да 70 адзінак тэхнікі і разбіўшы адну танкавую калону.
23 сакавіка: камандуючы ВПС Вялікабрытаніі Грэг Бэгвел заявіў, што ВПС Лівіі больш не існуюць як баяздольная арганізацыя. Неглядзячы на гэтае паведамленне, лівійская авіяцыя яшчэ працягвала выконваць баявыя задачы[18].
24 сакавіка: ВМФ Вялікабрытаніі нанеслі ракетамі «Тамагаўк», запушчанымі з борта падлодкі HMS Triumph, удары па мэтам СПА Лівіі[19].
25 сакавіка: два Tornado ВПС Вялікабрытаніі і знішчальнікі ВПС Францыі сумесна знішчылі 7 танкаў Т-72 кадафістаў блізу горада Адждабія.
28 сакавіка: знішчальнікі Panavia Tornado ВПС Вялікабрытаніі знішчылі два лівійскіх танка і дзве бронемашыны каля Місураты. На працягу раніцы самалёты ВПС Вялікабрытаніі атакавалі склады з узбраеннем каля горада Себха на поўдні Лівіі[20].
2 красавіка: ВПС Вялікабрытаніі знішчылі некалькі самалётаў на аэрадроме блізу Місураты і два танкі ў Сірце[21].
3 красавіка: брытанскія Tornado знішчылі дзесяць бронемашын у раёне Сірта.
4 красавіка: падчас чарговых бамбардзіровак Сірта брытанцы знішчылі адзін танк і некалькі зенітак.
9 красавіка: Tornado знішчылі два танкі ў Адждабіі і пяць у Місураце[22].
18 красавіка: брытанскія Tornado знішчылі пазіцыі артылерыі лаялістаў.
12 мая: ля Місураты адбыўся першы бой ВМФ Брытаніі пасля Фалклендскай вайны. HMS Liverpool трапіў пад агонь берагавой батарэі, і ў выніку адказнага агню брытанцаў пазіцыі ўрадавай арміі былі знішчаны[23].
19 мая: брытанскія ВПС атакавалі марскую базу блізу Місураты, знішчыўшы некалькі лодак[24].
20 мая: брытанскія ВПС знішчылі некалькі пускавых установак у Трыпалі.
Лета: павялічылася актыўнасць ВМФ Вялікабрытаніі. Узмацнілася патруляванне вод Лівіі. Баявыя караблі здзейснілі серыю абстрэлаў узбярэжжа. Ваенна-марскія сілы былі задзейнічаны ў баях за Злітэн, дзе яны ажыццяўлялі падтрымку наступлення сухапутных сіл паўстанцаў.
22 жніўня: група з 17 байцоў SAS уступіла ў бой з лівійскай арміяй у адным з раёнаў Трыпалі. Страціўшы некалькі чалавек параненымі і забітымі, брытанскія вайскоўцы вымушаны былі адступіць[25].
31 кастрычніка: абвешчана аб завяршэнні ваеннай аперацыі НАТА і яго саюзнікаў на тэрыторыі Лівіі.
Медыяфайлы на Вікісховішчы
.svg){kind=small}
.svg){kind=small}