Чырвоны ара

Чырвоны ара (Ara macao) — птушка сямейства папугаевых.

Чырвоны ара
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Атрад:  Папугаепадобныя Сямейства:  Папугаевыя Падсямейства:  Psittacinae Трыба:  Arini Род:  Ара Від:  Чырвоны ара
Міжнародная навуковая назва
Ara macao Linnaeus, 1758
Арэал
Ахоўны статус
Выклікаюць найменшыя асцярогі IUCN 3.1 Least Concern : / 22685563
Сістэматыка на Віківідах Выявы на Вікісховішчы ITIS   177665 NCBI   176014 EOL   1177962

Знешні выгляд

Даўжыня цела 78-90 см, крыла — 28-40 см, хваста — 50-62 см. Галава, верх крылаў, шыя, верх спінкі, грудка і жывот ярка-чырвоныя, надхвосце і ніз крылаў ярка-блакітныя, папярок крылаў праходзіць жоўтая паласа. Голыя шчокі светлыя з шэрагамі белых пёрак. Наддзюб'е белае з карычнева-чорнай плямай у аснаванні дзюбы і чорным кончыкам, паддзюб'е буравата-чорнае. Радужка жоўтая. У самкі дзюба меншая і шырэйшая ў пачатку, а верхняя яе палова мае больш круты выгін.

Распаўсюджанне

Жыве ад Мексікі да Эквадора, Балівіі і ракі Амазонкі.

Лад жыцця

Засяляе трапічныя лясы. Аддае перавагу трымацца ў кронах высокіх дрэў. Сілкуецца ў асноўным расліннай ежай: пладамі, арэхамі, маладымі парасткамі дрэў і хмызнякоў. У перыяд выспявання сельскагаспадарчых культур лётае карміцца ​​на палі і плантацыі, чым прыносіць адчувальную шкоду ўраджаю.

Фота

• 
•