Беларускі рэспубліканскі савет прафесійных саюзаў
Беларускі рэспубліканскі савет прафесійных саюзаў — беларускі нацыянальны прафсаюзны цэнтр у складзе УЦСПС, які існаваў з 1920 па 1990 год.
| Беларускі рэспубліканскі савет прафесійных саюзаў | |
|---|---|
| Белсавпраф | |
| Краіна | |
| Адміністрацыйны цэнтр | |
| Тып арганізацыі | нацыянальны прафсаюзны цэнтр у складзе УЦСПС |
| Заснаванне | |
| Дата заснавання | 1920 |
| Ліквідацыя | |
| Дата скасавання | 1990 |
Гісторыя правіць
Прафсаюзы на тэрыторыі Беларусі пачалі фармавацца яшчэ ў пачатку ХХ стагоддзя. Пасля Лютаўскай рэвалюцыі пачалася барацьба паміж рознымі левымі палітычнымі плынямі Расійскай рэспублікі (эсэры, бальшавікі, меншавікі) за падпарадкаванне і палітызацыю прафсаюзаў. Пасля Кастрычніцкай рэвалюцыі і перамогі РСДРП(б) пачаўся працэс «бальшавізацыі» (падпарадкавання бальшавікам) прафсаюзаў. Гэты працэс у БССР скончыўся ў ліпені 1920 года, калі было створана Цэнтральнае бюро прафсаюзаў Беларусі, якое неўзабаве было перайменавана ў Савет прафсаюзаў Беларусі. У 1937 годзе ў прафсаюзах было 84,1% працуючага насельніцтва[2].
Пасля Вялікай Айчыннай вайны беларуская савецкая прафсаюзная сістэма была поўнасцю разбурана. Таму ўжо ў снежні 1944 года ЦК КП(б)Б выпусціла пастанову «Аб аднаўленні прафсаюзных арганізацый у Беларускай ССР», у выніку ў студзені 1946 гады ў беларускіх прафсаюзах было 64,4% працуючага насельніцтва[3]. У лістападзе 1948 года была праведзена І-я беларуская міжсаюзная канферэнцыя прафсаюзаў БССР, на якой быў створан Беларускі рэспубліканскі савет прафесійных саюзаў (Белсавпраф).
У канцы 1980-х, падчас перабудовы, у БССР таксама пачалася і перабудова традыцыйнага прафсаюзнага руху. Апагеем гэтага стаў XVII з’езд Белсаdпрафа ў кастрычніку 1990 года, які аб’явіў аб выхадзе з УЦСПС і фарміраванні новага беларускага нацыянальнага прафсаюзнага цэнтра - Федэрацыі прафсаюзаў Беларусі.
Адукацыйныя ўстановы правіць
У БССР савецкімі ўладамі для прафсаюзаў была створана сістэма падрыхтоўкі кадраў, як, напрыклад, Вышэйшая школа прафсаюзнага руху Беларусі, курсы Белсаўпрафа і абласных прафсаюзных арганізацый[3].
Прэмія прафсаюзаў Беларускай ССР правіць
У Беларускай ССР, як і ў іншых савецкіх рэспубліках, існавала прэмія савецкіх прафсаюзаў. Так, напрыклад, існавала прэмія прафсаюзаў Беларускай ССР па дасягненнях у сферы сельскай гаспадаркі, меліярацыі, воднай гаспадаркі і хлебапрадуктаў імя Кірыла Пракопавіча Арлоўскага[4].
Зноскі
- ↑ https://library.fes.de/pdf-files/bueros/belarus/07071.pdf
- ↑ Хадыка, Голубеў 2003, с. 6.
- ↑ а б Хадыка, Голубеў 2003, с. 7.
- ↑ Премии советских профсоюзов (руск.). Часопіс «Калекцыянер» (1 снежня 2019). Праверана 2023-2-13.
Літаратура правіць
- Аляксей Хадыка, Валянцін Голубеў. Профсоюзы Беларуси: трансформация и перспективы. — Мн.: Фонд імя Фрыдрыха Эберта, 2003. — 105 с.
Спасылкі правіць
На Вікісховішчы пакуль няма медыяфайлаў па тэме, але Вы можаце загрузіць іх
