Банаўцы-над-Бэбраваў

Банаўцы-над-Бэбраваў (славацк.: Bánovce nad Bebravou, ням.: Banowitz, венг.: Bán, часам бел.: Банаўцы-над-Бэбравай) — горад Трэнчынскага краю ў заходняй Славакіі на рацэ Бэбрава.

Горад Банаўцы-над-Бэбраваў славацк.: Bánovce nad Bebravou Герб Краіна Славакія Край Трэнчынскі край Акруга Банаўцы-над-Бэбраваў Каардынаты 48°43′07″ пн. ш. 18°15′29″ у. д. Прыматар Марыян Хованец Заснаваны 1232 Першая згадка 1232 Плошча 26,55 км² Вышыня НУМ 209 м Водныя аб’екты Бэбрава Насельніцтва ▼ 18 350 чалавек (2017) Шчыльнасць 691,15 чал./км² Нацыянальны склад славакі (88,59%), чэхі, цыгане Канфесійны склад каталікі 63,6%, атэісты 11,6%, лютэране 9,8 %, астатнія 15 % Часавы пояс UTC+1, летам UTC+2 Тэлефонны код +421 38 Паштовыя індэксы 957 01 Аўтамабільны код BN Афіцыйны сайт banovce.sk Банаўцы-над-Бэбраваў на карце Славакіі

Медыяфайлы на Вікісховішчы

Назва

Прынята лічыць, што назва горада паходзіць ад уласнага імя, альбо ад тытула Бан, якім у сярэднявеччы ў некаторых краінах называлі кіраўніка зямлі. Над Бэбраваў значыць, што горад ляжыць на рацэ Бэбрава. Іншыя назвы горада: як вёска Ben (1232), як вёска Ban (1318), Banowitz (1389), Banowcz (1439), Ban (1467), Banowcze (1471).

Гісторыя

Першая пісьмовая згадка горада датуецца 1232 годам. Першапачаткова гэта вёска Ben. Ужо ў 1376 годзе атрымлівае статус Вольнага каралеўскага горада. Гісторыя Банаўцы-над-Бэбраваў звязана з падпаламі горада гусітамі ў 1431—1433 гадах, і разграбленнем яго турэцкімі войскамі, якія ўварваліся з поўдня ў 1633 годзе. У сярэднія вякі ён стаў важным цэнтрам рамеснай вытворчасці, дзе значнае месца займалі шаўцы, цесляры, кавалі, мяснікі, ткачы. Першая пачатковая школа была адкрыта ў XVII стагоддзі. Падчас Другой сусветнай вайны горад быў вызвалены румынскімі войскамі 1-й арміі 5 красавіка 1945 года.

Геаграфія

Горад размешчаны ў самай паўночнай частцы Дунайскага ўзвышша, у перадгор’і Стражаўскіх гор, на зліцці рэк Бэбрава і Радзіша. За 20 км ад Пр’евідзы, 30 км Трэнчына і 50 км ад Нітры.

Прамысловасць

Восенню 2005 года была заснавана кампанія LKW Komponenten sro. Кампанія вырабляе дадатковыя дэталі для кабін грузавых аўтамабіляў. LKW Komponenten sro з’яўляецца асноўным пастаўшчыком дэталяў у MAN. На прадпрыемстве занята больш за 300 супрацоўнікаў. Акрамя таго ў горадзе ёсць вытворчыя ўчасткі па вырабе аўтамабільных дэталяў кампаній HELLA GmbH і Fritz Meier. Лёгкая прамысловасць прадстаўлена нямецкімі вытворцамі Gabor і Eterna Mode GmbH, у апошняй працуе больш за 700 супрацоўнікаў.

Славутасці

У горадзе налічваецца 15 помнікаў культуры, а яго раёны ўпісаны ў цэнтральны спіс помнікаў культуры ў Браціславе.

• Касцёл святога Мікалая (першапачаткова гатычная царква 15 стагоддзя)
• Касцёл Найсвяцейшай Тройцы
• Лютэранская царква (першапачаткова сінагога)
• Сядзібна-паркавы комплекс Horné Ozorovce
• Помнік Людавіту Штуру

Галерэя

• 
  Сядзібна-паркавы комплекс
• 
  Касцёл святога Мікалая
• 
  Касцёл Найсвяцейшай Тройцы
• 
  Помнік Людавіту Штуру

Вядомыя асобы

• Раман Броніш (нар. 1976), веласіпедыст

Гл. таксама

• Трэнчынскі край
• Трэнчын
• Нітра

Спасылкі

Афіцыйны сайт