Бачэйкаўскі павет

Бачэйкаўскі павет — адміністрацыйна-тэрытарыяльная адзінка ў БССР і РСФСР ў 1923—1924 гадах. Утвораны 15 лютага 1923 года ў Віцебскай губерні РСФСР у выніку перайменавання Лепельскага павета ў Бачэйкаўскі і далучэння да яго часткі скасаванага Сенненскага павета. Цэнтр — мястэчка Бачэйкава. У склад павета ўваходзілі 9 валасцей:

• Бешанковіцкая
• Лепельская
• Лукомльская
• Несінская
• Ульянавіцкая
• Ушацкая
• Хоцінская
• Чарэйская
• Чашніцкая.

3 сакавіка 1924 года тэрыторыя павета ўвайшла ў склад БССР. 20 чэрвеня 1924 года павет скасаваны. Бешанковіцкая, Ульянавіцкая і Чашніцкая воласці перададзены ў склад Віцебскага павета, Лепельская, Несінская, Ушацкая і Хоцінская воласці — у склад — Полацкага павета, Лукомльская і Чарэйская воласці — у склад Барысаўскага павета.

Літаратура

• Камінскі, М. І. Бачэйкаўскі павет // Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — С. 336. — 20 000 экз. — ISBN 5-85700-074-2.
• Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 364. — 10 000 экз. — ISBN 985-11-0035-8. — ISBN 985-11-0061-7 (т. 2).