Беларуска-ізраільскія адносіны
Беларуска-ізраільскія адносіны - адносіны паміж Рэспублікай Беларусь і Дзяржавай Ізраіль у палітычнай, эканамічнай і культурнай сферах.
Беларуска-ізраільскія адносіны | |||||
---|---|---|---|---|---|
|
|||||
Медыяфайлы на Вікісховішчы |
Яўрэі пражываюць на тэрыторыі Беларусі больш за 6 стагоддзяў і з'яўляюцца неад'емнай складовай часткай этнічнай структуры беларускага грамадства. На тэрыторыі Беларусі нарадзіліся першы і трэці прэзідэнты Дзяржавы Ізраіль Хаім Вейцман і Залман Шазар, прэм'ер-міністры Менахем Бегін, Іцхак Шамір, Шымон Перэс, які двойчы займаў пасаду прэм'ер-міністра і быў прэзідэнтам Ізраіля ў 2007-2014 гг., адзін з піянераў адраджэння мовы іўрыт Эліэзер Бэн-Егуда, мастак Марк Шагал і многія іншыя вядомыя яўрэйскія дзеячы.
На тэрыторыі БССР у гады Вялікай Айчыннай вайны загінула каля 850 тысяч яўрэяў. На дадзены момант ўстаноўлена больш за 700 беларусаў-Праведнікаў народаў свету, якія хавалі яўрэяў ад нацысцкага пераследу ў гады Другой сусветнай вайны.
Сёння ў Ізраілі пражывае каля 120 тысяч выхадцаў з Беларусі, а ў Беларусі - каля 30 тысяч яўрэяў (паводле дадзеных Яўрэйскага агенцтва «Сахнут» - ад 50 да 60 тысяч).
У 1992 г. у Ерусаліме было падпісана пагадненне аб усталяванні дыпламатычных адносін паміж Беларуссю і Ізраілем. У тым жа годзе з прыватнымі візітамі Беларусь наведалі яе выхадцы І. Шамір і Ш. Перэс. Першым павераным у справах Рэспублікі Беларусь у Ізраілі стаў М. Фарфель. У 1994-1996 гг. паслом Ізраіля ў Беларусі быў Э. Валк (нарадзіўся ў 1944 г.; выпускнік Беларускага дзяржаўнага універсітэта, у Ізраілі з 1971 г.). Пасля яго адклікання пасольства ўзначальваў шэраг часовых павераных.
У 1999-2002 гг. Ізраіль у Беларусі прадстаўляў пасол М. Пелед-Флекс. Летам 2003 г. ізраільскае пасольства ў Мінску па эканамічных прычынах было закрыта. Інтарэсы Ізраіля ў Беларусі стаў прадстаўляць ізраільскі пасол у Маскве. Аднак у канцы 2003 г. было прынята рашэнне аб аднаўленні дзейнасці ізраільскага пасольства ў Мінску (у 2004 г. у Беларусь прыбыў новы пасол Ізраіля З. Бен-Ар'е, які знаходзіўся на пасадзе да 2009 г.; наступныя паслы Ізраіля ў Беларусі - Э. Шапіра, І. Шагал, з пачатку 2017 г. - А. Шогам). У красавіку 2000 г. Ізраіль і Беларусь падпісалі пагадненне аб пазбяганні падвойнага падаткаабкладання і пагадненне аб заахвочванні і ўзаемнай абароне інвестыцый. У кастрычніку 2000 г. было падпісана пагадненне аб гандлі і эканамічным супрацоўніцтве паміж двума краінамі.
Гісторыя правіць
Дыпламатычныя адносіны паміж Беларуссю і Ізраілем устаноўлены 26 мая 1992 г. У жніўні 1992 г. у Тэль-Авіве адкрыта Пасольства Беларусі. З кастрычніка 1993 г. у Мінску функцыянуе Пасольства Ізраіля.
У верасні 2009 г. ганаровым консулам Рэспублікі Беларусь у Дзяржаве Ізраіль прызначаны А. Моткін. У лістападзе 2016 г. другім ганаровым консулам стаў ізраільскі бізнэсмен Г. Магнезі, паводле экспертнай ацэнкі - «будаўнік з сумнеўнай рэпутацыяй»[1].
У 1992 годзе адбыўся візіт Прэм'ер-міністра Рэспублікі Беларусь В. Ф. Кебіча ў Ізраіль.
У кастрычніку 1999 г. у Ізраілі знаходзілася дэлегацыя беларускага парламента на чале з намеснікам старшыні Палаты прадстаўнікоў Нацыянальнага сходу Рэспублікі Беларусь.
У студзені 2000 г. у рамках урачыстасцяў «Віфлеем-2000». Дзяржаву Ізраіль наведаў Прэзідэнт Рэспублікі Беларусь А. Р. Лукашэнка.
У красавіку 2000 г. адбыўся візіт у Ізраіль Намесніка Прэм'ер-міністра - Міністра замежных спраў Рэспублікі Беларусь.
Ізраіль наведвалі міністры сельскай гаспадаркі, унутраных спраў, аховы здароўя, спорту і турызму Рэспублікі Беларусь.
З неафіцыйнымі візітамі ў Беларусі знаходзіліся былыя прэм'ер-міністры Ізраіля І. Шамір (1993 год) і Ш. Перэс (1998 год) - у 2007-2014 гг. Прэзідэнт Ізраіля.
У 1999 годзе г. Мінск наведалі намеснік Генеральнага дырэктара МЗС Ізраіля Ш. Штайн і Генеральны дырэктар Адміністрацыі Прэзідэнта Ізраіля А. Шомер.
У кастрычніку 2000 г. у якасці назіральніцы на выбарах у Палату прадстаўнікоў Нацыянальнага сходу Беларусі прыехала віцэ-мэр ізраільскага горада Карміэль Р. Грынберг[2].
У снежні 2006 года Беларусь наведаў намеснік Генеральнага дырэктара МЗС Ізраіля М. Софер.
1 лютага 2007 года ў Ізраільскім культурна-інфармацыйным цэнтры ў Мінску адбылася прэзентацыя першай кнігі сучаснага ізраільскага літаратара, перакладзенай з іўрыта на беларускую (Э. Керэт, «Кіроўца аўтобуса, які хацеў стаць Богам»; перакладчык - П. Касцюкевіч).
У чэрвені 2007 года ў Мінск прыязджала дэлегацыя дэпутатаў ізраільскага Кнэсета на чале з М. Салодкінай. Асноўнай мэтай візіту было вяртанне беларускіх пенсій выхадцам з Беларусі ў Ізраілі[3].
25 жніўня 2008 года ў інтэрнэце з'явіўся сайт belisrael.info, які з канца 2016 г. стаў называцца «народны ізраільска-беларускі сайт». З 2015 г. на яго старонках актыўна друкуюцца навукоўцы, пісьменнікі, публіцысты абедзвюх краін.
3-5 чэрвеня 2009 года Мінск з рабочым візітам наведаў Намеснік Прэм'ер-міністра - Міністр замежных спраў Дзяржавы Ізраіль А. Ліберман.
10-12 ліпеня 2009 г. у Беларусі з візітам знаходзіўся Міністр турызму Дзяржавы Ізраіль С. Місежнікаў.
7 верасня 2009 года Беларусь наведаў Генеральны дырэктар офіса Прэм'ер-міністра Дзяржавы Ізраіль Э. Габай.
14-18 лютага 2010 г. адбыўся візіт у Дзяржаву Ізраіль прадстаўнікоў рабочай групы Нацыянальнага сходу Рэспублікі Беларусь па супрацоўніцтве з Кнесетам Дзяржавы Ізраіль.
26-28 красавіка 2010 г. для правядзення першага пасяджэння сумеснага беларуска-ізраільскага камітэта па турызме Ізраіль наведаў Міністр спорту і турызму Рэспублікі Беларусь А. Л. Качан.
1-2 снежня 2010 г. Беларусь наведаў Міністр сельскай гаспадаркі і развіцця сельскіх тэрыторый Дзяржавы Ізраіль Ш. Сімхон.
7-9 чэрвеня 2011 г. адбыўся візіт Прэм'ер-міністра Рэспублікі Беларусь М. У. Мясніковіча ў Ізраіль.
14 лютага 2012 г. беларуская дэлегацыя пад кіраўніцтвам Міністра спорту і турызму Рэспублікі Беларусь А. Л. Качана прыняла ўдзел у Міжнароднай Міжземнаморскай турыстычнай выставе ў Тэль-Авіве.
28 сакавіка 2012 г. прайшоў працоўны візіт у Ізраіль Старшыні Брэсцкага абласнога выканаўчага камітэта К. А. Сумара.
15-17 мая 2012 г. намеснік Прэм'ер-міністра Рэспублікі Беларусь М. І. Русы наведаў Ізраіль для ўдзелу ў Міжнароднай выставе аграрных тэхналогій «Agritech».
27 мая 2013 г. адбылася сустрэча начальніка галоўнага консульскага ўпраўлення МЗС А. П. Астроўскага і начальніка ўпраўлення Афрыкі і Блізкага Усходу МЗС І. А. Ляшчэні з паслом Ізраіля ў Беларусі І. Шагалам па спрашчэнні візавых фармальнасцяў паміж дзвюма краінамі[4].
13 студзеня 2015 г. адбылася ратыфікацыя Пагаднення паміж Урадам Дзяржавы Ізраіль і Урадам Рэспублікі Беларусь аб адмене віз для ўладальнікаў нацыянальных пашпартоў[5].
Міжурадавыя пагадненні правіць
Дагаворна-прававую базу двухбаковых адносін складаюць наступныя міжурадавыя пагадненні:
- аб усталяванні дыпламатычных адносін,
- аб гандлёвым і эканамічным супрацоўніцтве,
- аб садзейнічанні ажыццяўленню і ўзаемнай абароне інвестыцый,
- аб пазбяганні двайнога падаткаабкладання і папярэджанні ўхілення ад выплаты падаткаў у дачыненнi да падаткаў на даходы і капітал,
- аб супрацоўніцтве ў галіне сельскай гаспадаркі і перапрацоўчай прамысловасці,
- аб супрацоўніцтве ў галіне паветранага транспарту,
- аб супрацоўніцтве ў галіне барацьбы са злачыннасцю,
- аб супрацоўніцтве ў галіне адукацыі, навукі і культуры,
- аб узаемным заснаванні і дзейнасці культурных цэнтраў,
- аб супрацоўніцтве ў галіне турызму,
- аб супрацоўніцтве ў галіне стандартызацыі, метралогіі і ацэнкі адпаведнасці,
- аб супрацоўніцтве ў галіне аховы здароўя і медыцыны.
У ліпені 2002 г. і ў снежні 2006 г. у г. Мінску адбыліся два раўнды беларуска-ізраільскіх кансультацый паміж МЗС на ўзроўні намеснікаў міністраў замежных спраў.
Паміж краінамі сфарміравана дагаворна-прававая база, якая рэгламентуе міжрэгіянальныя сувязі.
Падпісаны пагадненні аб супрацоўніцтве паміж гарадамі Віцебск і Рышон ле-Цыён (сакавік 2008 г.), а таксама паміж гарадамі Глыбокае і Кір'ят Бялік (май 2011 г.).
21 лютага 2011 г. у Ізраілі старшыня гарадскога выканаўчага камітэта Гродна Б. Н. Казялкоў падпісаў з мэрам Ашкелона Б. Вакніным пагадненне аб устанаўленні пабрацімскіх сувязяў паміж Гродна і Ашкелонам.
28 сакавіка 2012 г. у Ізраілі Старшыня гарадскога выканаўчага камітэта Брэста А. С. Палышэнкаў падпісаў з мэрам Ашдода І. Ларсі пагадненне аб устанаўленні пабрацімскіх сувязяў паміж Брэстам і Ашдодам.
Гл. таксама правіць
Зноскі
- ↑ http://belisrael.info/?p=9425
- ↑ http://belisrael.info/?p=11349
- ↑ http://belisrael.info/?p=7176
- ↑ "Беларусь предложила Израилю подготовить к подписанию соглашение о краткосрочных безвизовых поездках для граждан двух стран" [руская]. БелаПАН. 27 мая 2013 года. Архівавана з арыгінала 5 сакавіка 2016. Праверана 15-02-2015.
{{cite news}}
: Невядомы параметр|deadurl=
ігнараваны (прапануецца|url-status=
) (даведка); Праверце значэнне даты ў:|accessdate=
і|date=
(даведка) - ↑ "Беларусь: соглашение об отмене виз с Израилем ратифицировано" [руская]. Белновости. 13 студзеня 2013 года. Праверана 15-02-2015.
{{cite news}}
: Праверце значэнне даты ў:|accessdate=
і|date=
(даведка)
Спасылкі правіць
- Беларусь — Израиль: особенные отношения (руск.). Рэспублiка (16 лютага 2010 года). Праверана 15-02-2015.(недаступная спасылка)
- У Беларусі плануюць адкрыць помнік прэм'ер-міністру Ізраіля . Telegraf.by (16 красавіка 2013 года). Праверана 15-02-2015.