Валерый Уладзіміравіч Гайдукевіч

Валерый Уладзіміравіч Гайдукевіч (19 студзеня 1953, пас. Бягомль, Бягомльскі раён, Мінская вобласць) — беларускі ваенны і палітык. Дэпутат Палаты прадстаўнікоў Нацыянальнага сходу Рэспублікі Беларусь V і VI скліканняў, член Савета Рэспублікі Нацыянальнага сходу Рэспублікі Беларусь VII і VIII скліканняў.

Валерый Уладзіміравіч Гайдукевіч
Дэпутат Палаты прадстаўнікоў Нацыянальнага сходу Рэспублікі Беларусь V склікання 18 кастрычніка 2012 — 2016
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў
Дэпутат Палаты прадстаўнікоў Нацыянальнага сходу Рэспублікі Беларусь VI склікання 11 кастрычніка 2016 — 4 снежня 2019
Прэзідэнт	Аляксандр Лукашэнка
Кіраўнік урада	Андрэй Кабякоў
Нараджэнне	19 студзеня 1953(1953-01-19) (72 гады) Бягомль, Бягомльскі сельсавет, Беларусь
Адукацыя	Ваенная акадэмія імя М. В. Фрунзэ Ваенная акадэмія Генеральнага штаба Узброеных Сіл Расійскай Федэрацыі Акадэмія кіравання пры Прэзідэнце Рэспублікі Беларусь Шацкая сярэдняя школа Разанскае вышэйшае паветрана-дэсантнае каманднае вучылішча
Ваенная служба
Званне	Генерал-маёр
Узнагароды	ганаровая грамата Нацыянальнага сходу Рэспублікі Беларусь

Біяграфія

Нарадзіўся 19 студзеня 1953 года ў пас. Бягомль Бягомльскага раёна Мінскай вобласці.

Скончыў Разанскае вышэйшае паветрана-дэсантнае каманднае вучылішча, Ваенную акадэмію імя М. В. Фрунзэ (г. Масква), камандна-штабная аператыўна-тактычная, Ваенную акадэмію Генеральнага штаба Узброеных Сіл Расійскай Федэрацыі (г. Масква), Акадэмію кіравання пры Прэзідэнце Рэспублікі Беларусь. Генерал-маёр.

З 1979 па 1982 год праходзіў службу на тэрыторыі Дэмакратычнай Рэспублікі Афганістан.

У 1992—1995 гадах — камандзір 5-й асобнай брыгады спецпрызна.

Праходзіў службу на камандных і штабных пасадах, намеснік Міністра ўнутраных спраў — камандуючы ўнутранымі войскамі Рэспублікі Беларусь.

У 2012—2019 гадах — дэпутат Палаты прадстаўнікоў Нацыянальнага сходу Рэспублікі Беларусь, старшыня Пастаяннай камісіі Палаты прадстаўнікоў па нацыянальнай бяспецы.

З 2019 года — член Савета Рэспублікі Нацыянальнага сходу Рэспублікі Беларусь, намеснік старшыні Пастаяннай камісіі Савета Рэспублікі па міжнародных справах і нацыянальнай бяспецы.

Намеснік старшыні камісіі

Узнагароды

Узнагароджаны ордэнамі Чырвонай Зоркі, «За службу Радзіме» II і III ступені, дваццаццю медалямі, Ганаровай граматай Нацыянальнага сходу Рэспублікі Беларусь.

Асабістае жыццё

Жанаты, мае траіх дзяцей. Пражывае ў г. Заслаўе Мінскага раёна.

Спасылкі

• Дасье на сайце Палаты прадстаўнікоў Нацыянальнага сходу Рэспублікі Беларусь Архівавана 14 чэрвеня 2017. (бел.)