Валянцін Іосіфавіч Гафт

Валянцін Іосіфавіч Гафт (руск.: Валентин Иосифович Гафт; 2 верасня 1935, Масква — 12 снежня 2020, Жаваранкі, Адзінцоўская гарадская акруга, Маскоўская вобласць, Расія) — рускі акцёр тэатра і кіно. Народны артыст Расіі (1984).

Валянцін Іосіфавіч Гафт
Дата нараджэння	2 верасня 1935(1935-09-02)
Месца нараджэння	Масква, РСФСР, СССР
Дата смерці	12 снежня 2020(2020-12-12) (85 гадоў)
Месца смерці	Жаваранкі, Адзінцоўская гарадская акруга[d], Маскоўская вобласць, Расія
Месца пахавання	Траякураўскія могілкі
Грамадзянства	СССР  Расія
Жонка	Olga Ostroumova[d]
Адукацыя	Школа-студыя пры Маскоўскім мастацкім тэатры[d] (1957)
Прафесія	акцёр, паэт, тэатральны рэжысёр, спявак, мемуарыст
Гады актыўнасці	1956 — 2019
Узнагароды	Залаты арол[d]
IMDb	ID 0300781
Подпіс
Медыяфайлы на Вікісховішчы

Біяграфічныя звесткі

Нарадзіўся 2 верасня 1935 года ў Маскве ў яўрэйскай сям’і, якая прыехала з Прылукаў.

Скончыў Школу-студыю МХАТ (1957). Працаваў у маскоўскіх тэатрах імя Массавета, на Малой Броннай, імя Ленінскага камсамола, Сатыры, з 1969 у тэатры «Сучаснік».

Творчая манера В. Гафта вызначаецца тонкай псіхалагічнай прапрацоўкай вобразаў, інтэлектуальнай вастрынёй і іроніяй, якая набліжаецца да едкага сарказму, дакладным вонкавым малюнкам: Глумаў («Балалайкін і К°» паводле М. Салтыкова-Шчадрына), Вяршынін («Тры сястры» А. Чэхава), Рахлін («Кот хатні сярэдняй пушыстасці» У.Вайновіча і Р. Горына), Джордж («Хто баіцца Вірджыніі Вулф?» Э. Олбі) і інш. З 1956 года здымаўся ў кіно: «Забойства на вуліцы Дантэ» (1956), «Кентаўры», «Гараж», «Зладзеі ў законе», «Нябёсы запаветныя», здымаўся ў тэлевізійных пастаноўках. Аўтар вершаў і эпіграм.

Літаратура

• Гафт // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).

Спасылкі

• На Вікісховішчы ёсць медыяфайлы па тэме Валянцін Іосіфавіч Гафт