Ветраны млын з Зелянца
Ветраны млын пачатку XX стагоддзя з в. Зелянец Хоцімскага раёна Магілёўскай вобласці. Перанесены ў Беларускі дзяржаўны музей народнай архітэктуры і побыту ў в. Азярцо[1]. Прыклад народнага дойлідства.
Славутасць | |
Ветраны млын з вёскі Зелянец | |
---|---|
53°49′41″ пн. ш. 27°22′42″ у. д.HGЯO | |
Краіна | Беларусь |
Месцазнаходжанне |
Зелянец (першапачаткова), Беларускі дзяржаўны музей народнай архітэктуры і побыту |
Тып будынка | ветраны млын |
Архітэктурны стыль | беларускае народнае дойлідства |
Дата пабудовы | XX стагоддзе |
Статус | Гісторыка-культурная каштоўнасць Беларусі, шыфр 612Г000403 |
Медыяфайлы на Вікісховішчы |
Гісторыя правіць
Пабудаваны ў пачатку XX стагоддзя з дрэва. Размяшчаўся за 0,5 км на поўдзень ад вёскі. У канцы XX стагоддзя працаваў на электраэнергіі.
Перанесены ў Беларускі дзяржаўны музей народнай архітэктуры і побыту ў в. Азярцо. Да лета 2014 года ад млына заставаліся толькі элементы, якія ляжалі на зямлі, меркавана ў 2016 годзе пабудова цалкам адноўлена[2].
Архітэктура правіць
Шатровага тыпу. Каркасная канструкцыя з бярвёнаў у выглядзе васьміграннай усечанай піраміды, ашалявана дошкамі і пастаўлена на васьмерыковы зруб. Шацёр накрыты вальмавым дахам. Яго прарэзвае гарызантальная вось, на канцы якой умацаваны 4 крылы. Пры дапамозе «хобата» (доўгая тоўстая жэрдка) шацёр паварочваўся і фіксаваўся ў напрамку ветру. Вярчальны момант ад гарызантальнай восі перадаваўся да жорнаў праз сістэму зубчастых перадач і вертыкальную вось.
Зноскі
- ↑ Дзяржаўны спіс гісторыка-культурных каштоўнасцей Рэспублікі Беларусь: [Даведнік] / склад. В. Я. Абламскі, І. М. Чарняўскі, Ю. А. Барысюк. — Мн.: БЕЛТА, 2009. — 684 с. — 1 000 экз. — ISBN 978-985-6828-35-8.
- ↑ Ветраны млын з Зелянца на сайце Глобус Беларусі (руск.)
Літаратура правіць
- 1979. // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл.
Спасылкі правіць
- На Вікісховішчы ёсць медыяфайлы па тэме Ветраны млын з Зелянца
- Ветраны млын з Зелянца на сайце Глобус Беларусі (руск.)
- Ветраны млын з Зелянца на сайце «Архіварта»