Вярхоўны Суд БССР
Вярхо́ўны суд Белару́скай ССР — вышэйшы судовы орган рэспублікі.
| Вярхоўны Суд Беларускай Савецкай Сацыялістычнай Рэспублікі | |
|---|---|
.svg) | |
| Від | Вярхоўны суд |
| Інстанцыя | Суд вышэйшай інстанцыі |
| Юрысдыкцыя |
 Беларуская ССР |
| Мовы справаводства | беларуская, руская |
| Зала пасяджэнняў | |
| Месцазнаходжанне | 220681, БССР, г. Мінск, вул. Леніна, 26 |
Дзейнасць правіць
Вярхоўны Суд Беларускай ССР быў створаны ў адпаведнасці з Палажэннем аб судаўладкаванні, прынятым II сэсіяй ЦВК БССР чацвёртага склiкання 30 сакавіка 1923 года. Абіраўся Вярхоўным Саветам БССР на 5 гадоў. Складаўся са старшыні, яго намеснікаў, членаў, народных засядацеляў. Дзейнічаў у складзе Пленума Вярхоўнага Суда і 2 судовых калегій: па грамадзянскіх і крымінальных справах.
Ажыццяўляў нагляд за судовай дзейнасцю ўсіх судовых органаў рэспублікі, вывучаў судовую практыку і даваў судам кіруючыя тлумачэнні аб прымяненні заканадаўства БССР. Па 1-й інстанцыі разглядаў найбольш складаныя або асаблівага грамадскага значэння справы; у парадку судовага нагляду — пратэсты на рашэнні, прысуды, азначэнні і пастановы ўсіх судоў рэспублікі.
Прысуды і рашэнні Вярхоўнага Суда БССР абскарджанню не падлягалі, маглі правярацца толькі ў парадку нагляду.
Старшыні Вярхоўнага Суда БССР правіць
- Пракоп Малаковіч (1923)
- Аляксандр Сташэўскі (1923—1924)
- Якаў Валяноўскі (1924)
- Павел Пострэйтэр (1924—1926)
- Андрэй Варашылаў (1926—1928)
- Павел Валасевіч (1928—1931)
- Раман Кудзельскі (1933—1936)
- Вольга Суханава (1936—1937)
- Карл Абушкевіч (1938)
- Васіль Сядых (1936)
- Аляксей Бондар (1944—1945)
- Яўгеній Болдыраў (1945—1957)
- Сяргей Шардыка (1957—1967)
- Аляксей Бондар (1967—1984)
- Аляксандр Здановіч (1984—1988)
- Уладзімір Каравай (1988—1997)
Літаратура правіць
- ВЕРХОВНЫЙ СУД БЕЛОРУССКОЙ ССР // Беларуская Савецкая Энцыклапедыя. У 12 т. Т. 1. А — Афіна / Рэдкал.: П. У. Броўка (гал. рэд.) і інш. — Мн.: БелСЭ, 1969. — 624 с.: іл., карты. С. 134—135
Спасылкі правіць
- История белорусского правосудия (руск.)(недаступная спасылка). Афіцыйны сайт Вярхоўнага Суда Рэспублікі Беларусь. Архівавана з першакрыніцы 26 жніўня 2017.