Васіль Якаўлевіч Сядых

Васі́ль Я́каўлевіч Сяды́х (12 сакавіка 1887 г., г. Курск, Расійская імперыя — 4 чэрвеня 1963) — рэвалюцыянер, партыйны і дзяржаўны дзеяч БССР.

Васіль Якаўлевіч Сядых
Старшыня Рэвізійнай камісіі КПБ
1938 — 4 чэрвеня 1963
Пераемнік	Ілья Кожар
Старшыня Вярхоўнага Суда БССР
1939 — 1941
Партыя	КПСС (з 1905)
Адукацыя	Вышэйшая партыйная школа пры ЦК УКП(б) (1950)
Дзейнасць	палітык
Нараджэнне	12 сакавіка 1887(1887-03-12) г. Курск
Смерць	4 чэрвеня 1963(1963-06-04) (76 гадоў)
Пахаванне	Усходнія могілкі
Узнагароды

Біяграфія

Удзельнік Рэвалюцыі 1905-07 гадоў, член Курскага гарадскога камітэта РСДРП. За рэвалюцыйную дзейнасць неаднаразова быў арыштаваны і сасланы.

Удзельнік Грамадзянскай вайны.

З 1921 года на партыйнай, савецкай і прафсаюзнай рабоце ў Курску, Мічурынску, Варонежы, Маскве.

З 1937 года старшыня Полацкага акруговага выканкама, сакратар Партыйнай калегіі пры ўпаўнаважаным Камісіі партыйнага кантролю пры ЦК УКП(б) па БССР, старшыня Вярхоўнага суда БССР. З 1943 года заг. сектарам апеляцый аргаддзелу ЦК КП(б)Б, у 1944—1959 гадах член Парткалегіі, парткамісій пры ЦК КПБ.

Старшыня Рэвізійнай камісіі КПБ у 1938 — 1963 гадах. Дэпутат Вярхоўнага Савета СССР у 1937— 1946 гадах, Вярхоўнага Савета БССР у 1947 — 1963 гадах.

Памяць

• Імем В. Я. Сядых названа вуліца ў Мінску.

Літаратура

• Седых Василий Яковлевич // Биографический справочник — Мн.: «Белорусская советская энциклопедия» имени Петруся Бровки, 1982. — Т. 5. — С. 562. — 737 с