Полацкая акруга

Полацкая акруга — адміністрацыйная адзінка ў БССР, што існавала з ліпеня 1924 па ліпень 1930 і з чэрвеня 1935 па люты 1938 года.

Полацкая акруга
Краіна	СССР
Уваходзіць у	БССР
Адміністрацыйны цэнтр	Полацк
Дата ўтварэння	17 ліпеня 1924 і 21 чэрвеня 1935
Дата скасавання	26 ліпеня 1930 і 20 лютага 1938
Насельніцтва	374 200 чал.
Плошча	9 366 км² (1924)
Медыяфайлы на Вікісховішчы

1924—1930

Полацкая акруга ў 1925 годзе

Полацкая акруга ў 1928 годзе

Акруга заснавана ў ліпені 1924 г. Адміністрацыйны цэнтр горад Полацк. Плошча складала 9366 км². Пасля ўзбуйнення ў 1927 годзе плошча склала 10 807 км². У 1926 г. колькасць насельніцтва акругі складала 374,2 тыс. чал. Выдавалася акруговая газета «Полоцкий пахарь», з 1926 г. «Чырвоная Полаччына».

У 1924—1927 гг. акруга складалася з 9 раёнаў:

• Ветрынскі,
• Валынецкі (з сакавіка 1929 Боркавіцкі),
• Дрэтунскі (пазней Краснапольскі, скасаваны ў 1927 годзе),
• Дрысенскі,
• Асвейскі,
• Полацкі,
• Расонскі,
• Ульскі,
• Ушацкі,
• Лепельскі (увайшоў у склад пасля скасавання ў 1927 (1926) годзе Барысаўскай акругі).

1935—1938

Акруга створана ў ліпені 1935 года. Складалася з пяці раёнаў:

• Ветрынскі,
• Дрысенскі,
• Асвейскі,
• Полацкі,
• Расонскі.

Выдавалася акруговая газета «Бальшавік Полаччыны».

Скасавана ў сувязі з увядзеннем у БССР абласнога падзелу і ўвайшла ў склад Віцебскай вобласці.

Літаратура

• Беларуская энцыклапедыя: У 18 т. Т.12: Палікрат — Праметэй / Рэдкал.: Г. П. Пашкоў і інш. — Мн.: БелЭн, 2001. — Т. 12. — С. 457, 458. — 560 с. — 10 000 экз. — ISBN 985-11-0198-2.
• Белорусская ССР: Краткая энциклопедия. В 5-ти т. т.1 / Ред. колл.: П. У. Бровка и др. — Мн.: Гл. ред. Белорус. Сов. Энциклопедии, 1979. — Т. 1. — 768 с. — 50 000 экз. (руск.)