Ятвезь (Баранавіцкі раён)

Я́твезь (трансліт.: Jatvieź, руск.: Ятвезь) — вёска ў Баранавіцкім раёне Брэсцкай вобласці. Уваходзіць у склад Крошынскага сельсавета. Размешчана за 24 км на ўсход ад Баранавіч, за 6 км ад чыгуначнай станцыі Пагарэльцы на лініі Баранавічы—Мінск.

Вёска Ятвезь Краіна Беларусь Вобласць Брэсцкая Раён Баранавіцкі Сельсавет Крошынскі Каардынаты 53°09′55″ пн. ш. 26°18′00″ у. д. Насельніцтва ▼72 чал. (2019) Часавы пояс UTC+3 Тэлефонны код +375 163 Паштовыя індэксы 225361 Аўтамабільны код 1 СААТА 1204830081 Ятвезь на карце Беларусі ±

Гісторыя

Паводле пісьмовых крыніц вядомы з XVI ст., шляхецкая ўласнасць. У першай палове 1880-х г. у Чэрніхаўскай воласці Навагрудскага павета Мінскай губерні. Паводле перапісу 1897 годзе дзейнічаў хлебазапасны магазін, кузня, карчма, 4 ветраныя млыны.

З 1921 года ў складзе Польшчы, у Чэрніхаўскай гміне Баранавіцкага павета Навагрудскага ваяводства.

З 1939 года ў БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне.

У Вялікую Айчынную вайну з канца чэрвеня 1941 года да 6 ліпеня 1944 года вёска акупіравана нямецка-фашысцкімі захопнікамі.

Насельніцтва

• XIX стагоддзе:
  • 1880-я — 51 двор, 562 жыхары.
  • 1897 год — 111 двароў, 675 жыхароў.
• XX стагоддзе:
  • 1921 год — 164 дамы, 927 жыхароў.
  • 1939 год — 982 жыхары.
  • 1959 год — 458 жыхароў.
  • 1970 год — 786 жыхароў.
• XXI стагоддзе:
  • 2005 год — 172 жыхары, 118 гаспадарак.

Славутасці

• Брацкая магіла савецкіх воінаў.
• На могілках пахаваны старшыня сельсавета А. К. Пятліцкі, забіты бандытамі ў 1948 годзе
• Свята-Георгіеўская царква (1994)

Вядомыя асобы

• В. І. Валынец — мастак.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх