Віктар Іванавіч Казлоўскі

Віктар (Вінцэсь, Вінцусь) Іванавіч Казлоўскі (6 верасня 1905, Мрочкі, Уздзенскі раён, Мінская вобласць — 24 лютага 1975) — беларускі паэт.

Віктар Іванавіч Казлоўскі
Асабістыя звесткі
Дата нараджэння	6 верасня 1905(1905-09-06)
Месца нараджэння	Мрочкі, Слабода-Пырашаўская воласць[d], Ігуменскі павет, Мінская губерня, Расійская імперыя
Дата смерці	24 лютага 1975(1975-02-24) (69 гадоў)
Месца смерці	Мрочкі, Беларусь
Грамадзянства	БССР
Альма-матар	Менскі беларускі педагагічны тэхнікум літаратурна-лінгвістычнае аддзяленне педагагічнага факультэта БДУ[d] (1931)
Месца працы	Белдзяржвыдавецтва Звязда
Прафесійная дзейнасць
Род дзейнасці	паэт
Медыяфайлы на Вікісховішчы

Біяграфія

Сімеіз у Крыме. Злева направа: Віктар Казлоўскі, Максім Лужанін і Сяргей Дарожны. 1929

Нарадзіўся ў сялянскай сям’і. Скончыў Менскі беларускі педагагічны тэхнікум, а ў 1931 г. — літаратурна-лінгвістычнае аддзяленне БДУ. Працаваў у рэдакцыях газет і часопісаў, Беларускім дзяржаўным выдавецтве. Да вясны 1935 г. — карэспандэнт газеты «Звязда». З-за хваробы пераехаў у вёску.

Памёр 24.02.1975 г.

Творчасць

Упершыню выступіў з вершамі ў друку ў 1925 г. (газета «Савецкая Беларусь»). Выдаў у 1932 г. зборнікі вершаў «Слова аб юнай краіне», «Музыка працы» і паэму «Рахіль».

Пераклаў на беларускую мову паасобныя творы М. Асеева, М. Ісакоўскага, І. Уткіна.

Літаратура

• Казлоўскі Віктар Іванавіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).