Віктар Віктаравіч Сямашка

Ві́ктар Сяма́шка (нар. 1980, Мінск) — беларускі паэт, музыкант і радыёжурналіст.

Віктар Сямашка
Дата нараджэння	1980
Месца нараджэння	Мінск, БССР, СССР
Краіна	Беларусь
Альма-матар	факультэт журналістыкі БДУ
Музычная дзейнасць
Прафесіі	паэт, журналіст, спявак
Гады актыўнасці	1992 — цяпер
Калектывы	Кузьнец і Сяманя Князь Мышкін Нагуаль
Супрацоўніцтва	Раман Яраш Андрэй Касьцень Максім Іўкін
Грамадская дзейнасць
Член у	НагУаль
vvsiamashka.blog.tut.by

Біяграфія

У 1998—2001 гадах у складзе музычна-паэтычнай фармацыі «Кузьнец і Сяманя». Скончыў факультэт журналістыкі БДУ (2002). З 2001 года ў складзе ансамбля інтуітыўнай імправізацыі «Князь Мышкін» (у некаторых праграмах выкарыстаныя вершы В. Сямашкі). Працаваў на Радыё Бі-Эй. Паралельна ў 2004—2007 гг. супрацоўнічаў з псіха-фолк-гуртам «НагУаль». У складзе азначаных гуртоў выступаў у Беларусі, Польшчы, Літве, Украіне, Расіі, Францыі. З 2010 года выступае з бардамі Раманам Ярашам, Андрэем Касценем, Максімам Іўкіным. У 2005—2009 гадах — аўтар і вядучы праграмы пра беларускую музыку «Новая зямля» на Радыё Unistar, з 2010 — аналагічнай праграмы «Кракатук» на Радыё Рацыя.

Творчасць

Дэбютаваў вершамі ў 1992 годзе ў эфіры Беларускага радыё. У 2001 годзе ўдзельнічаў у Рэспубліканскім семінары маладых літаратараў, які арганізаваў Саюз беларускіх пісьменнікаў. Аўтар кніг вершаў «Марыя S.» (2006), «ReRa» (2011). Друкаваўся ў часопісе «Дзеяслоў» (№ 1 (50), 2011).