Віктар Паўлавіч Сазонаў

Віктар Паўлавіч Сазонаў (нар. 18 кастрычніка 1963, в. Гальшаны, Ашмянскі раён) — беларускі грамадскі дзеяч, палітык, журналіст і літаратар.

Віктар Паўлавіч Сазонаў
Асабістыя звесткі
Дата нараджэння	18 кастрычніка 1963(1963-10-18) (61 год)
Месца нараджэння	Гальшаны, Гальшанскі сельсавет, Ашмянскі раён, Гродзенская вобласць, БССР, СССР
Грамадзянства	Беларусь
Альма-матар	Гродзенскі дзяржаўны ўніверсітэт імя Янкі Купалы
Месца працы	Радыётэхніка Гродзенскі дзяржаўны музей гісторыі рэлігіі
Прафесійная дзейнасць
Род дзейнасці	грамадскі дзеяч, палітык, журналіст, пісьменнік
Мова твораў	беларуская
Грамадская дзейнасць
Партыя	Партыя «Беларуская сацыял-дэмакратычная Грамада»
Член у	Паходня Таварыства беларускай мовы імя Францішка Скарыны Беларуская асацыяцыя журналістаў Фонд імя Льва Сапегі Праваабарончы цэнтр «Вясна» Беларускі народны фронт «Адраджэнне»
Прэміі	Гліняны Вялес (2021)

Біяграфія

Нарадіўся ў Гальшанах у 1963 годзе. Там жа закончыў Гальшанскую сярэднюю школу (1980).

Паводле адукацыі — гісторык. Скончыў Гродзенскі дзяржаўны ўніверсітэт імя Янкі Купалы.

Служыў у Савецкай Арміі ў паветранна-дэсантных войсках (1981—1983). Вайсковая спецыяльнасьць — разведчык войскаў спецыяльнага прызначэньня.

Прайшоў працоўны шлях ад токара на Ашмянскім філіяле Вільнюскага завода радыёвымяральных прыбораў (1980) да навуковага супрацоўніка Беларускага дзяржаўнага музея гісторыі рэлігіі ў Гродне (1991—1993). Быў галоўным рэдактарам інфармацыйна-аналітычнага бюлетэню «Свой лад» (2002—2004), прыватным прадпрымальнікам.

У грамадска-палітычным жыцці з сярэдзіны 1980-х гадоў. Сябра гісторыка-культурнага клубу «Паходня» — першай недзяржаўнай грамадскай арганізацыі ў Гродне (з 1987); Таварыства беларускай мовы — быў сябрам Гарадзенскай рады; БНФ «Адраджэньне» — быў сябрам абласной рады; Беларускай асацыяцыі журналістаў; Грамадскага аб’яднання «Фонд імя Льва Сапегі» — сябра праўлення, каардынатар і распрацоўшчык адукацыйных праграм; адзін з заснавальнікаў Таварыства братоў Каліноўскіх; настаўніцкага згуртавання «Вулей»; кіраўнік Гродзенскага аддзялення Праваабарончага цэнтра «Вясна».

Быў сябрам Палітрады Аб’яднаных дэмакратычных сіл. Старшыня Гродзенскай філіі партыі Беларуская сацыял-дэмакратычная Грамада, намеснік старшыні БСДГ. Неаднаразова затрымліваўся і караўся штрафамі і арыштамі.

Як журналіст і літаратар друкаваўся ў беларускіх і замежных выданнях («Літаратура і мастацтва», «Rochnik grodzienski», «Ніва», «Kartki», «Дзеяслоў», «Новы замак», «Асоба і час» і інш.) і на інтэрнет-сайтах. Падзеі рамана Віктара Сазонава «Генетычны алфавіт» адбываюцца ў Вашынгтоне, Маскве, Лондане, Варшаве, у былой Чэхаславакіі і на Далёкім Усходзе.

Выбраная бібліяграфія

• Занатоўкі кантрабандыста. — Беласток, 2005, Праграмная рада тыднёвіка «Ніва».
• Сандалі мітрапалітыка або Маленькія гісторыі з вялікай палітыкі. — Гродна, 2012, Kolegium Europu Wshodniej im. Jana Nowaka-Jeziorańskiego, выбавецкая серыя: Гарадзенская бібліятэка.
• Паэзія прозы. — Гродна, 2013, Гарадзенская бібліятэка.
• Суседскія былі. — Беласток, 2015, Праграмная рада тыднёвіка беларусаў у Польшчы «Ніва».
• Генетычны алфавіт: раман. — Беласток, 2021. Рэдактар: Яўген Вапа. Праграмная рада тыднёвіка беларусаў у Польшчы «Ніва».

Прэміі і ўзнагароды

• 2021 — Гліняны Вялес, за раман «Генетычны алфавіт».