Віталь Іванавіч Еўмянькоў
Віталь Іванавіч Еўмянькоў (5 чэрвеня 1976, Магілёў — 25 снежня 2022, Магілёў) — беларускі літаратуразнаўца, пісьменнік, журналіст. Кандыдат філалагічных навук (2006).
| Віталь Іванавіч Еўмянькоў | |
|---|---|
| Дата нараджэння | 5 чэрвеня 1976 |
| Месца нараджэння | |
| Дата смерці | 25 снежня 2022 (46 гадоў) |
| Месца смерці | |
| Месца пахавання | |
| Род дзейнасці | літаратуразнавец, пісьменнік, выкладчык, журналіст |
| Месца працы | |
| Навуковая ступень | кандыдат філалагічных навук |
| Альма-матар | |
| Член у | |
Жыццяпіс
правіцьСкончыў МДУ. Служыў у арміі. З 1999 года выкладаў у МДУ. Абараніў дысертацыю па тэме «Адам Міцкевіч і духоўна-эстэтычныя пошукі ў літаратуры Беларусі XIX ст.». Працаваў на кафедры літаратуры і міжкультурных камунікацый. Гаварыў па-беларуску.
Выкладаў журналістыку. Рэдагаваў сайт city.mogilev.by і гарадскі партал mycity.by (2009—2012).
Сябра Саюза беларускіх пісьменнікаў.
Вясной 2021 звольнены з універсітэта па палітычных матывах (адначасова з Аляксандрам Агеевым і Ігарам Шарухам).
Памёр пасля працяглай хваробы 25 снежня 2022 года ў Магілёве[1]. Пахаваны ў Магілёве[2].
Творчасць і навуковая дзейнасць
правіцьДрукаваўся ў магілёўскім гадавіку «Брама» і часопісе «Маладосць». Перакладаў з польскай мовы. Аўтар аповесці «Успаміны Ваяводы, або Пялёсткі белай ружы» (Мінск, 2008), паэмаў «Хоцімская вайна» і «Філаматы»[2].
Даследаваў гісторыю беларускай літаратуры, асабліва часу Рэчы Паспалітай. Аўтар манаграфій «Адам Міцкевіч і духоўна-эстэтычныя пошукі ў літаратуры Беларусі XIX ст.» (Магілёў, 2009) і «Навіны „краёвыя“ і замежныя ў польскамоўных выданнях другой паловы XVI — першай чвэрці XVII ст. „Меркурый ардынарыйны“ (спроба апісання і верыфікацыі гістарычных крыніц)» (Магілёў, 2016), вучэбна-метадычны дапаможнік «Літаратурнае рэдагаванне і кнігавыданне на тэрыторыі Беларусі» (Магілёў, 2012—2014). Напісаў больш як 100 навуковых артыкулаў[2].
Крыніцы
правіць- ↑ У Магілёве памёр Віталь Еўмянькоў. Яму было 46 гадоў . Наша Ніва (25 снежня 2022). Праверана 28 чэрвеня 2024.
- ↑ а б в Еўмянькоў Віталь – Белліт (20 кастрычніка 2023). Праверана 28 чэрвеня 2024.