Вячаслаў Міхайлавіч Шаўчэнка

Вячаслаў Міхайлавіч Шаўчэнка (нар. 1 мая 1936, в. Завітая-2, Нясвіжскі раён, Мінская вобласць) — беларускі архітэктар.

Вячаслаў Міхайлавіч Шаўчэнка
Дата нараджэння	1 мая 1936(1936-05-01) (88 гадоў)
Месца нараджэння	Завітая, гміна Гарадзея[d], Нясвіжскі павет, Навагрудскае ваяводства, Польская Рэспубліка
Альма-матар	Мінскі будаўнічы тэхнікум (1954) БПІ (1960)
Месца працы	Магілёўграмадзянпраект Упраўленне па будаўніцтве і архітэктуры Мінаблвыканкама[d] Белкааппраект
Член у	Саюз архітэктараў СССР Беларускі саюз архітэктараў
Узнагароды

Біяграфія

Скончыў у 1954 годзе Мінскі архітэктурна-будаўнічы тэхнікум, у 1960 годзе — Беларускі політэхнічны інстытут. Працаваў старшым архітэктарам, галоўным архітэктарам праектаў у Магілёўграмадзянпраекце, першым намеснікам начальніка Упраўлення па будаўніцтве і архітэктуры Мінаблвыканкама, з 1970 года — галоўны архітэктар у Белкааппраекце.

Член Саюза архітэктараў СССР з 1962 года. Пражываў у Мінску.

Творчасць

Дом палітасветы

Магілёўскі аблспажыўсаюз

Бібліятэка і галоўны корпус Гомельскага кааператыўнага інстытута

Камбінат грамадскага харчавання ў Стоўбцах

Асноўныя працы: летні тэатр-кінатэатр, Дом палітасветы і будынак аблспажыўсаюза ў Магілёве, гандлёвыя цэнтры ў г.п. Бараўляны і в. Сеніца Мінскага раёна, гандлёвы комплекс у пас. Ждановічы (залаты медаль ВДНГ СССР); у аўтарскім калектыве: гандлёвы комплекс у г.п. Івянец, комплекс Гомельскага кааператыўнага інстытута па праспекце Кастрычніка, камбінат грамадскага харчавання (рэстаран «Нёман») па вул. Ленінскай, 85 у Стоўбцах (у сааўтарстве з Ф. Шукайлам; сярэбраны медаль ВДНГ СССР), помнікі загінулым воінам і партызанам у Любані, Слуцку, Стоўбцах.

Аўтар артыкулаў па пытаннях архітэктурнага праектавання.

Літаратура

• Шевченко Вячеслав Михайлович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)