Галіна Анатолеўна Кнаўэр

Галіна Анатолеўна Кнаўэр (нар. 31 снежня 1937, г. Карабаш, Чалябінская вобласць) — беларускі архітэктар.

Галіна Анатолеўна Кнаўэр
Дата нараджэння	31 снежня 1937(1937-12-31) (85 гадоў)
Месца нараджэння	Карабаш, Карабашская гарадская акруга[d], Чалябінская вобласць, РСФСР, СССР
Альма-матар	Уральскі політэхнічны інстытут імя С. М. Кірава[d] (1961)
Месца працы	Мінскпраект
Член у	Саюз архітэктараў СССР Беларускі саюз архітэктараў

Біяграфія

Скончыла Уральскі політэхнічны інстытут у 1961 годзе. Працавала ў праектных арганізацыях Алма-Аты, Свярдлоўска. З 1985 года — кіраўнік групы архітэктараў у Мінскпраекце.

Член Саюза архітэктараў СССР з 1970 года. Пражывае ў Мінску.

Творчасць

Запраектавала ў аўтарскім калектыве шэраг крам, кафэ, сталовых, друкарню Савета Міністраў КазССР, Казахскую карцінную галерэю імя Шаўчэнкі ў Алма-Аце, гандлёвыя цэнтры ў Цалінаградзе, прадпрыемствы культурна-бытавога абслугоўвання па вул. Металістаў у Свярдлоўску.

Удзельнічала ў праектаванні Сляпянскай воднай сістэмы (1975—1980), крамы «Радыётэхніка» па вул. Апанскага (1978), устаноў культурна-бытавога абслугоўвання па вул. Сурганава (1980), 9-павярховых жылых дамоў серыі 335 БК, М-464-9 (1980-я гг.).

Сям’я

Была ў шлюбе з архітэктарам Роальдам Эдмундавічам Кнаўэрам, мае дачку Альбіну Роальдаўну Кнаўэр (нар. 20.04.1965), дызайнерку інтэр’ераў.

Літаратура

• Кнауэр Галина Анатольевна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др.. — Мн.: Беларусь, 1991. — 262 с. — ISBN 5-338-00611-1. (руск.)